Атырау қаласы әкімінің орынбасары Мейіржан Мұқасовқа қатысты тергеу жүріп жатыр, деп хабарлайды bairaqmedia.kz.
Шенеунікке қатысты тергеу жүріп жатқанын Ұлттық қауіпсіздік комитетінде растады.
"Сотқа дейінгі тергеу жүргізіліп жатқанын хабарлаймыз. Өзге ақпарат қылмыстық іс жүргізу кодексінің 201-бабының 1-тармағына сәйкес жария етілмейді", - деді Ұлттық қауіпсіздік комитетінің баспасөз қызметінде.
Бірнеше күн бұрын әлеуметтік желілерде Атырау әкімінің орынбасары Мейіржан Мұқасов пен "Тұрғын үйлерге қалалық коммуналдық қызмет көрсету" ЖШС Бас директорының орынбасары Бейбіт Мағзұмовтың ұсталғаны туралы ақпарат тараған болатын.
