Алматы қаласы Жетісу ауданы Новгородская көшесі бойында орналасқан 6 қабатты әкімшілік ғимарат өртенді, деп хабарлайды Bairaqmedia.kz.
Өрт сөндірушілердің жедел баруына қарамастан, өрт өршіп кеткен. Ғимараттың шатыры мен қаптамасы толығымен жалындап жанып кетті.
Өрттің таралуына лак-бояу өнімдері бар ыдыстардың жарылысы, сондай-ақ өрт туралы кеш хабарлау ықпал етті. Өртті сөндіру ғимарат ішіндегі үлкен жанғыш жүктемемен, атап айтқанда лак-бояу өнімдерінің болуымен күрделенеді, – делінген ТЖМ хабарламасында.
Өрт орнында Алматы қаласы ТЖД бастығы полковник Нұрлан Атығаевтың басшылығымен жедел өрт сөндіру штабы жұмыс істеп жатыр. Үздіксіз су беру ұйымдастырылды. Сондай-ақ өртті сөндіруге ТЖМ автопоезд тартылды.
Зардап шеккендер туралы ақпарат түскен жоқ.
