Алматы облыстық полициясы осы дерек бойынша қылмыстық іс қозғап, күдіктіні ұстаған. 43 жастағы ер адам қамауға алынды деп хабарлайды bairaqmedia.kz
Оқиға 31 наурызда болған. Өртеніп жатқан көліктің ішіндегі мәйіт Қарасай ауданындағы демалыс орындарының бірінің қасынан табылыпты. Адам шошырлық оқиғаны куәгерлер видеоға түсіріп алған.
Қазіргі уақытта қылмыстың мән-жайларын объективті зерттеуге бағытталған барлық қажетті тергеу әрекеттері жүргізілуде, - деп хабарлады Алматы облыстық полиция департаментінің баспасөз қызметі.
Бейресми ақпарат бойынша, екі ер адам осы дүйсенбіде ортақ кәсіптеріне байланысты жанжалдасып қалған. Кейін күдікті марқұмды балғамен ұрып, денесін өртеп жіберген көрінеді.
