Ақтөбе облысының Мәртөк ауданында сүңгуірлер жиырма күн бұрын жоғалған баланың денесін тапты, деп хабарлады ТЖМ баспасөз қызметі.
2016 жылы туған баланың денесі Елек өзенінен жағадан шамамен 3 метр қашықтықта, 1,5 метр тереңдікте анықталды.
Еске сала кетейік, 29 наурыздан бастап өңірде 4-сынып оқушысына тәулік бойы іздестіру жұмыстары жүргізілген. Бала үйінен шығып, қайта оралмаған.
Іздестіру жұмыстары Сарыжар ауылы маңында ТЖМ, полиция, жергілікті атқарушы органдар, әскери қызметшілер, еріктілер және жергілікті тұрғындардың қатысуымен жүргізілді.
