قازاقستانعا ۇوس ساربازىنىڭ سۇيەگى جەتكىزىلدى،  دەپ حابارلايدى Bairaqmedia.kz.

ۇلى جەڭىستىڭ 80 جىلدىعى قارساڭىندا اباي وبلىسى بويىنشا قاجد №19 مەكەمەسىنىڭ قىزمەتكەرلەرى 1943 جىلى رەسەي فەدەراسياسىنداعى نوۆگورود وبلىسىنىڭ اۋماعىندا شايقاستا قازا تاپقان زۋباير اۋىلىنىڭ تۋماسى، سارباز بەلىبايەۆ ءورازعاليدىڭ سۇيەكتەرىن جەرلەۋ راسىمىنە قاتىستى.

جاۋىنگەردىڭ سۇيەكتەرى ۇلى وتان سوعىسى كەزىندە رەسەي فەدەراسياسى نوۆگورود وبلىسىنىڭ ستارايا رۋسسا قالاسىنىڭ ماڭىنداعى قاندى شايقاس بولعان جەرلەردە ىزدەۋ جۇمىستارى كەزىندە تابىلعان. ىزدەۋ وتريادتارىنىڭ كۇش جىگەرى ارقاسىندا مۇراعاتتىق مالىمەتتەرمەن ساربازدىڭ جەكە باسى انىقتالىپ، ونىڭ ەسىمى جوقتان قايتارىلدى.

بەلىبايەۆ ورازعالي وسى اۋىلدا 1908 جىل دۇنيەگە كەلىپ، بەلاعاش اۋداندىق اسكەري كوميساراتىمەن سوعىسقا شاقىرتىلعان. وتاندى قورعاپ، فاشيزمگە قارسى كۇرەستە باتىلدىق پەن باتىرلىق تانىتىپ، ول 1943 جىلى قايتىس بولدى. ول 2024 جىلدىڭ قازانىندا رەسەيدىڭ «مەدۆەد» ىزدەۋ بىرلەستىگى ساربازدىڭ قالدىقتارىن تاپقانعا دەيىن حابار-وشارسىز كەتتى دەپ سانالدى. 80 جىلدان استام ۋاقىتتان كەيىن ول جاقىندارىنىڭ جانىندا ماڭگىلىك تىنىشتىق تابۋ ءۇشىن تۋعان جەرىنە قايتارىلدى. ساربازدىڭ بالالارى بولماعان. تۋعان اۋىلىندا اعاسى مەن اپكەسىنىڭ بالالارى تۇرادى. مەكەمە قىزمەتكەرلەرى ساربازدىڭ سۇيەگى تاپسىرىلعان جەرگە گۇل شوقتارىن قويىپ، ساربازدىڭ ارۋاعىنا قۇرمەت كورسەتتى.

ءىس-شارا بارىسىندا ساربازدىڭ رۋحىنا اسكەري قۇرمەت كورسەتىلىپ، سوعىس جىلدارىندا قازا تاپقانداردىڭ بارلىعى ەسكە الىنىپ، بەيبىت ءومىر سىيلاعان ارداگەرلەرگە العىس ءبىلدىرىلدى، — دەدى تاربيە ءبولىمىنىڭ باستىعى اسحات كەرىمحانوۆ.