مەملەكەتتىك كىرىستەر كوميتەتى ادامعا باعىتتالعان ءتاسىلدى ەنگىزۋ جانە كورسەتىلەتىن مەملەكەتتىك قىزمەتتەردىڭ ساپاسىن ارتتىرۋ ماقساتىندا بارلىق كەدەن بەكەتتەرى مەن كەدەندىك رەسىمدەۋ ورتالىقتارىندا (كرو) «قىزىل تۇيمە» جۇيەسىن ورناتتى،  دەپ حابارلايدى Bairaqmedia.kz.

اقپاراتقا سايكەس، QR-كودتى سكانەرلەۋ ارقىلى ازاماتتار مەن سىرتقى ەكونوميكالىق قىزمەتكە قاتىسۋشىلار تۋىنداعان ماسەلە بويىنشا مكك ءتوراعاسىنا تىكەلەي جۇگىنۋگە مۇمكىندىك الادى.

بۇل قۇرال — كەدەن قىزمەتتەرىن الۋ كەزىندە تۋىندايتىن قيىندىقتارعا جەدەل ارەكەت ەتۋگە جانە قىزمەتكەرلەر تاراپىنان ادەپسىز مىنەز-قۇلىقتىڭ الدىن الۋعا باعىتتالعان. ءوتىنىمدى بەرۋ فورماسى قاراپايىم ءارى تۇسىنىكتى، ونى بىرنەشە مينۋت ىشىندە تولتىرۋعا بولادى. قالاۋىڭىز بويىنشا ءوتىنىمدى ءانونيمدى تۇردە جولداۋعا مۇمكىندىك بار. ءبىز ازاماتتارمەن جانە بيزنەس-قوعامداستىقپەن اشىق ءارى ءادىل ديالوگ ورناتۋعا ۇمتىلامىز، – دەلىنگەن حابارلامادا.

سونداي-اق ءاربىر كەلىپ تۇسكەن ءوتىنىم قىسقا مەرزىمدە قارالىپ، ءتيىستى شارالار قابىلداناتىنى اتاپ ءوتىلدى.