«ۇلى جەڭىس. 80 جىل» مونەتالارىندا وتان قورعاۋشىلاردىڭ ەرلىگى مەن جانقيارلىق رۋحىنا دەگەن تەرەڭ قۇرمەتتىڭ بەلگىسى بار. بۇل مونەتالار ۇلى جەڭىس تۋرالى تاريحي وقيعانى ماڭگى ەستە ساقتاپ، وسكەلەڭ ۇرپاقتى وتانسۇيگىشتىككە تاربيەلەۋ ماقساتىندا شىعارىلىپ وتىر. مونەتالار اتاۋلى داتاعا ارنالعان مادەني ءارى تاريحي مۇرانى ساقتاۋ جولىنداعى ۇمتىلىستى پاش ەتەدى»، – دەلىنگەن بانك حابارلاماسىندا.
مونەتالاردا ەرلىكپەن قازا تاپقان قاھارمانداردى ەسكە تۇسىرەتىن ماڭگىلىك الاۋ كورىنىس تاپقان. «80» سانىنداعى ويۋ-ورنەك جەڭىس لەنتاسىن بەينەلەيدى جانە ول قازاقستان رەسپۋبليكاسىنىڭ مەملەكەتتىك تۋى ەلەمەنتتەرىمەن ۇندەسەتىن ستيلدە ورىندالعان.
مونەتالار التىن جالاتىلعان 925 سىنامدى كۇمىستەن جاسالدى، ماسساسى – 31،1 گرامم، ديامەترى – 38،61 ميلليمەتر، ءتۇرلى ءتۇستى باسپا تەحنولوگياسى قولدانىلعان، دايىنداۋ ساپاسى – «proof»، نومينالى – 1 000 تەڭگەلىك، تارالىمى – 2 مىڭ دانا جانە نيبراسس/نەيزيلبەر قوسپالارىنان (بيكولورلى) جاسالدى، ماسساسى – 7،5 گرامم، ديامەترى – 26 ميلليمەتر، دايىنداۋ ساپاسى – «uncirculated»، نومينالى – 200 تەڭگەلىك، تارالىمى – 10 ملن دانا.
نومينالى 200 تەڭگەلىك بيكولورلى مونەتالار قازاقستان رەسپۋبليكاسىنىڭ اۋماعىندا قولدانىستا بار مونەتالارمەن بىرگە ەركىن اينالىمدا بولادى.
