جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا شەرزات پولاتتىڭ ولىمىنە بايلانىستى سوت وتىرىسى ءوتىپ جاتىر، دەپ حابارلايدى Bairaqmedia.kz.
سوت وتىرىسىندا ءجاسوسپىرىم شەرزات پولاتتىڭ ءىسى بويىنشا ايىپ تاعىلعان دارحان اسكەنتايدان جاۋاپ الىنىپ جاتىر. ول سوتقا دەيىنگى تەرگەۋ بارىسىندا بەرگەن جاۋابىنا كەلىسپەيتىنىن، ول كەزدە وزىنە قىسىم كورسەتىلگەنىن اتاپ ءوتتى.
«ول كەزدەگى جاۋاپتارمەن تولىق كەلىسپەيمىن. 24 ساعات قامالعان جەتەۋىمىزگە قىسىم كەلتىرىلدى. ءوزىم جاراقات العاننان كەيىن دۇرىس جاۋاپ بەرە المادىم. ويىمدى جيناقتاي الماعاننان كەيىن، سول كەزدە دۇرىس جاۋاپ بەرە الماعاننان كەيىن، بۇگىن بولعان وقيعانى ايتىپ بەرەمىن دەپ شەشتىم. سول كۇنى بىزدە قورعاۋشىلار بولمادى. كەشكە دەيىن تەلەفونعا ءتۇسىردى، كابينەتتەن كابينەتكە تاسىدى. ۇرىپ-سوعىپ، بوقتىق سوزدەر ايتقاننان كەيىن. وقيعا بولعان جەرگە اپاراتىن كەزدە عانا دالاعا شىعاردى. سول كەزدە عانا قورعاۋشىمدى تەك سىرتقا شىعارعاندا كوردىم. سول كەزدە قول قويدىم»، – دەدى دارحان اسكەنتاي.
ودان كەيىن سوتتالۋشى بولعان وقيعانىڭ ءمان-جايىن ايتتى.
