«رەال مادريد» فۋتبولشىلارى الماتىدا سانجار ەسىمدى مۇمكىندىگى شەكتەۋلى بالانىڭ ارمانىن ورىندادى، دەپ حابارلايدى bairaqmedia.kz.

قالاعا كەلگەن قوناقتار جاتتىعۋ الدىندا اربادا وتىرعان ءبۇلدىرشىننىڭ فۋتبول جەيدەسىنە قولتاڭبا قويىپ، ونىڭ كوپتەن كۇتكەن تىلەگىن جۇزەگە اسىردى.

بۇل جان تەبىرەنتەر ءساتتىڭ ۆيدەوسىن «قايرات» كلۋبىنىڭ پرەزيدەنتى قايرات بورانبايەۆ Instagram پاراقشاسىندا جاريالادى.

«بۇگىن مەن ءوزىنىڭ سۇيىكتى كومانداسىن، اسىرەسە كيليان مباپپەنى كورۋدى كوپتەن بەرى ارمانداعان سانجاردى رەال مادريد جاتتىعۋىنا شاقىردىم. سانجار ءوزىنىڭ كۋميرىمەن كەزدەسىپ قانا قويماي، بۇكىل كوماندامەن كورىستى: ويىنشىلار ونى جىلى قارسى الىپ، سۋرەتكە ءتۇسىپ، قولتاڭبا بەردى. بالا ءۇشىن بۇل ءومىرىنىڭ سوڭىنا دەيىن ەستە قالاتىن ءسات بولادى.

«قايراتتا» ءبىز سپورتتىڭ بارلىعىنا قولجەتىمدى بولۋى ءۇشىن جۇيەلى جۇمىس جۇرگىزەمىز. ارىپتەستەرىمىزدىڭ ارقاسىندا الداعى ماچتا جانكۇيەرلەرمەن بىرگە تريبۋنادا پارا-سپورتشىلار مەن ەرەكشە قاجەتتىلىكتەرى بار قوعامداستىقتىڭ وكىلدەرى بولادى.

فۋتبول جانە ماڭىزدى وقيعالار بارشاعا اشىق بولۋى كەرەك. بۇل ءبىزدىڭ ميسسيامىزدىڭ ءبىر بولىگى جانە ءبىز سپورت ارقىلى ەشكىم ءوزىن تىس قالدىرمايتىن كەڭىستىك جاساي الاتىنىمىزعا قۋانىشتىمىز»، - دەيدى قايرات بورانبايەۆ.