قازاقستان پروكاتىنداعى جاڭا كوشباسشى – رەجيسسور دۋمان ەركىمبەكتىڭ دەبيۋتتىك تولىقمەتراجدى ءفيلمى «QAITADAN» ءۇش اپتا ىشىندە 1 ملرد تەڭگەدەن استام تابىس جيناپ، وتاندىق كينوپروكاتتا كوش باستادى، دەپ حابارلايدى bairaqmedia.kz.
ءارى كينو وندىرىسىنە جۇمسالعان مەملەكەت قاراجاتىن بەس ەسەگە ارتىعىمەن اقتاعان العاشقى جوبا.
كورەرمەن كوزايىمى بولعان «QAITADAN» كينوسى وقيعا جەلىسىمەن عانا ەمەس، ۆيزۋالدى قۋاتىمەن دە باۋرايدى. بۇل فيلم – كوركەم شىعارما عانا ەمەس، شىنايى سەزىمگە نەگىزدەلگەن، تەرەڭ درامالىق مازمۇنداعى تۋىندى. كينو استارىندا قاۋىپسىزدىك، جاۋاپكەرشىلىك پەن بىرلىك جايلى تەرەڭ وي تاستايتىن ءارى جاستاردى دوستىققا، باۋىرمالدىققا جەتەلەيتىن تۇستارى بار.
ءار ديالوگ – بۇگىنگى قوعامعا وي سالادى، ءار كورىنىس – كورەرمەننىڭ جۇرەگىنە جاقىن.
فيلمدە وتباسى ينستيتۋتى دارىپتەلىپ، الەۋمەتتىك جاۋاپكەرشىلىك پەن ادامگەرشىلىك قاعيداتتارى كورىنىس تابادى. سەبەبى ءوزىڭدى عانا ەمەس، اينالاڭدى، ءتىپتى تۇتاس قوعامدى قۇتقارۋعا ۇمتىلۋ – ءار ادامنىڭ مىندەتى.
«QAITADAN» - قازاق كينوسىنىڭ جاڭا بەلەسكە كوتەرىلگەنىن كورسەتەتىن ەڭبەكتەردىڭ ءبىرى. 2023 جىلى پيچينگ جەڭىمپازى اتانعان بۇل جوبا ق ر مادەنيەت جانە اقپارات مينيسترلىگى جانە ۇلتتىق كينونى قولداۋ مەملەكەتتىك ورتالىعىنىڭ قولداۋىمەن تۇسىرىلگەن بولاتىن.
كينو – بەكزات ونەر. قوعامدا الار ورنى ەرەكشە. بۇگىندە قازاقستاننىڭ كينويندۋسترياسى مادەنيەت جانە اقپارات ءمينيسترى ايدا بالايەۆانىڭ ءجىتى باسشىلىعىمەن قارقىندى دامىپ كەلەدى. بۇل ۇلتتىق كونتەنتتى ىلگەرىلەتۋگە، تۇراقتى قولداۋ جۇيەسىن قالىپتاستىرۋعا جانە حالىقارالىق ىنتىماقتاستىقتى كەڭەيتۋگە مۇمكىندىك بەرىپ وتىر.
«بۇل – ەلىمىزدە جاس رەجيسسورلەر مەن دەبيۋتتىك جوبالارعا ناقتى مۇمكىندىك بەرىلىپ وتىرعانىنىڭ جارقىن كورىنىسى. رەجيسسەر دۋمان ەركىمبەك، پروديۋسەر جالىن تىلەۋبەرگەن سىندى جاڭا تولقىننىڭ باستاۋى. «QAITADAN» - وسىنىڭ ايقىن دالەلى. مۇنداي ساپالى جوبانىڭ حالىققا كەڭىنەن تانىلىپ، كورەرمەننىڭ كوڭىلىنەن شىعۋى جۇيەلى جۇمىسىمىزدىڭ ناتيجەسى» - دەيدى ۇلتتىق كينونى قولداۋ مەملەكەتتىك ورتالىعىنىڭ باسقارما ءتوراعاسى قۇرمانبەك جۇماعالي.
بارشا كورەرمەندەردى وتاندىق كينونى قولداپ، «QAITADAN» ءفيلمىن كينوتەاترلاردا تاماشالاۋعا شاقىرامىز!
سوڭعى ەكى جىلدا وتاندىق كينويندۋستريادا ءبىرقاتار ماڭىزدى رەفورمالار جۇزەگە استى. سولاردىڭ ىشىندە اسا ماڭىزدىلارىنىڭ ءبىرى – كونكۋرستىڭ جاڭا ەرەجەسى. رەفورمانىڭ نەگىزگى ماقساتى – ادىلەتتىلىك پەن اشىقتىقتى قامتاماسىز ەتۋ، سونداي-اق كينوگەرلەر ءۇشىن كونكۋرسقا قاتىسۋ پروسەسىن بارىنشا جەڭىلدەتۋ.
ساراپتاما كەڭەسىنىڭ داۋىس بەرۋ مەحانيزمى دە جاڭارتىلدى. كەڭەس مۇشەلەرى - ءار جوبانىڭ سەنارييىنەن باستاپ، وندىرىسكە دەيىنگى كەزەڭدى سۇزگىدەن وتكىزەدى. ءتىلدىڭ تازالىعىنا دا ايرىقشا ءمان بەرەدى. وسىنىڭ ارقاسىندا دەبيۋتتىك جوبالارعا ەرەكشە نازار اۋدارىلىپ، جاس رەجيسسەرلەردىڭ تۋىندىلارىنا سەنىم كۇشەيدى.
ىرىكتەۋدەن وتكەن كينوجوبالار وندىرىسكە جىبەرىلىپ، ۇلكەن ەكرانعا دەيىن تولىق سۇيەمەلدەنەدى. بۇل ءۇشىن ورتالىقتا ءار جوباعا جەكە مەنەدجەر تاعايىندالعان.
بيىلدىڭ وزىندە 12 ۇلتتىق فيلم ۇلكەن ەكرانعا شىقتى.
ەڭ باستىسى – سان ەمەس ساپا باستى نازاردا! وتاندىق فيلمدەر كورەرمەنگە بارىنشا قولجەتىمدى بولا باستادى. سوڭعى جىلدارى ارحيۆتە جاتقان بارلىق فيلمدەر پروكاتقا شىعارىلىپ، قالىڭ كورەرمەنگە ۇسىنىلدى.
ۇشاق بورتتارىنان باستاپ ستريمينگتىك پلاتفورمالارعا، تەلەارنالاردان شالعاي اۋىلدارداعى كورسەتىلىمدەرگە دەيىن – ۇلتتىق كينونى كورۋگە مۇمكىندىك ارتتى.
وڭىرلەردە «قازاق كينوسىنىڭ ونكۇندىگى» وتكىزىلدى. جاڭا تۋىندىلار كوپشىلىكتىڭ نازارىنا ىلىكتى.
«JARQYRA» رەسپۋبليكالىق كاستينگى جاريالاندى. ناتيجەسىندە انىقتالعان جاڭا تالانتتاردىڭ كاسىبي ءوسۋىن قامتاماسىز ەتۋ جانە ولاردى ۇلتتىق كينەماتوگرافيانىڭ جاڭا جوبالارىنا تارتۋ. ايماقتارداعى تالانتتى جاستاردى قولداۋدىڭ ارقاسىندا كينو الەمىندە جاڭا ەسىمدەر مەن جاڭا لەپ بولۋى حاق.
ورتالىقتىڭ قولداۋىمەن تۇسىرىلگەن تۋىندىلار حالىقارالىق دەڭگەيدە دە كەڭىنەن تانىلىپ كەلەدى. سوڭعى دەرەكتەرگە سايكەس، قازاقستاندىق فيلمدەر 300 حالىقارالىق كينوفەستيۆالگە قاتىسىپ، 177 جۇلدە جەڭىپ الدى.
بۇل اۋقىمدى جۇمىستار ۇلتتىق كينەماتوگرافيانىڭ كوكجيەگىن كەڭەيتىپ، ونى ءارى قاراي دامىتۋعا، قازاق مادەنيەتىن الەمگە تانىتۋعا مۇمكىندىك بەرەدى.
كينو – ونەر، ول – يدەولوگيا. ال يدەولوگيانىڭ باستى كۇشى – ساناعا توڭكەرىس جاساۋ، يگى ىستەردى ناسيحاتتاۋ.
