الماتى وبلىسىندا بولعان جول اپاتى سەگىز ادامنىڭ ءومىرىن قيدى، دەپ حابارلايدى bairaqmedia.kz.
قايعىلى وقيعا الماتى – بىشكەك تاس جولىنىڭ 107-شاقىرىمىندا بولدى.
الدىن الا دەرەكتەر بويىنشا، Lexus كولىگى قارسى باعىتتاعى جولاققا شىعىپ كەتىپ، Toyota Alphard-پەن سوقتىعىسقان. جول-كولىك وقيعاسى سالدارىنان سەگىز ادام وقيعا ورنىندا العان جاراقاتتارىنان قازا تاپتى، تاعى ەكى ادام اۋرۋحاناعا جەتكىزىلدى، – دەپ حابارلادى پوليسيا.
پوليسيا وقيعاعا قاتىستى سوتقا دەيىنگى تەرگەۋ باستالعانىن، ونىڭ بارىسىندا اپاتتىڭ بارلىق ءمان-جايى انىقتالاتىنىن ايتتى.
قۇقىق قورعاۋشىلار جۇرگىزۋشىلەردى جول ەرەجەسىن قاتاڭ ساقتاۋعا جانە جولدا اسا مۇقيات بولۋعا شاقىردى.
