سايران كولىنىڭ باتىس جاعالاۋىندا جاس جىگىت سۋعا كەتتى، دەپ حابارلايدى bairaqmedia.kz

قايعىلى جاعداي تۋرالى اقپارات الدىمەن الەۋمەتتىك جەلىلەردە پايدا بولدى. كۋاگەرلەردىڭ ايتۋىنشا، وقيعا كەشكى 17:30 شاماسىندا بولعان. 

وقيعا ورنىندا ءقازىر پوليسيا قىزمەتكەرلەرى مەن قۇتقارۋشىلار جۇمىس ىستەپ جاتىر. جىگىتتى ىزدەۋ جۇمىستارى جۇرگىزىلۋدە.

سۋ ىشىندە كامەلەتكە تولماعان ەكى ءجاسوسپىرىمنىڭ بولعانى انىقتالدى. ولاردىڭ ءبىرى ءوز كۇشىمەن جاعاعا شىققان. ال ەكىنشىسىنىڭ تاعدىرى ازىرگە بەلگىسىز، – دەپ مالىمدەدى الماتى قالالىق پد باسپا ءسوز قىزمەتى.

 
ايتا كەتەيىك، ءقازىر سايراندا كۇردەلى جاڭعىرتۋ جۇمىستارى ءجۇرىپ جاتىر. سوندىقتان، جاساندى كولدە شومىلۋعا رۇقسات جوق. الايدا، جۇرت ەسكەرتۋدى ەلەمەي، سۋعا ءتۇسۋ ماۋسىمىن باستاپ كەتكەن. ولار ىشكەن تاماعى مەن سۋسىنىڭ قالدىقتارىن جاعاجايعا تاستاپ، اينالانى الدەن قوقىس باسىپ جاتقانىن دا ايتا كەتەيىك.