Almaty oblysynda 10 jasar balany talap tastaǵan ıtterdiń ıesi baqylaý kamerasynan alynǵan vıdeony kópshilikke usyndy, dep habarlaıdy Almatydaǵy BAQ.KZ.
Bul vıdeo Instagram jelisindegi Inucobo janýarlardy qorǵaý qaýymdastyǵynyń paraqshasynda jarıalandy. Post avtorynyń aıtýynsha, beınejazbany ıtterdiń ıesi bergen.
Taǵy oqyńyz: «Olar qymbat ıtter, aqshasyn tóleısiń»: Balany qutqaryp qalǵan zeınetkerden ıt ıeleri ótemaqy talap etti
Vıdeoda balany ıtterdiń talaǵan sáti naqty kórsetilmegen. Kadrda ortalyq aýmaǵyndaǵy qorshaýdyń syrtynda fýtbol dobymen oınap júrgen eki bala kórinedi. Itterdiń qatty úrgen daýysy estiledi, al vıdeo sońyna qaraı shamamen zardap shekken balanyń aıǵaıy aıaqtaıdy.
Post avtorynyń sózinshe, vıdeo túsirilgen aýmaqta, ıaǵnı reabılıtasıalyq ortalyqta - alkogól men esirtkige táýeldi adamdar emdeledi. Sol jerde kınolog ta turady jáne ol óz ıtterin volerlerde ustaıdy. Avtordyń jazýynsha, oqıǵa kúni aýlada erkin júrgen amerıkan býllı tuqymdas ıtter bolǵan.
Iesi balalardyń oınap júrip, birin-biri ıterip, bireýi ortalyq aýlasyna qulap ketkenin aıtady. Qorshaý temirden jasalǵan, balanyń jaraqat alýy múmkin. Biraq ázirge saraptama júrgizilgen joq, tipti bola ma, belgisiz. Itter úshin bul bóten adam, janýarlar óz aýmaǵyn qorǵaıdy. Degenmen, ıesi saraptama júrgizýdi surap otyr - múmkin jaralar proflısten bolýy múmkin, – delingen jazbada.
Taǵy oqyńyz: «Qulaǵyn julyp alǵan»: Almaty oblysynda 10 jasar balany úsh ıt talap tastady
Avtorda basqa da vıdeolar baryn, biraq olardy jarıalaýǵa áli ruqsat berilmegenin aıtqan.
Qazir stadıonda bos júrgen ıtter týraly jalǵan aqparat taralýda. Itter qańǵybas bolǵan degen de sóz bar. 40 jyldan asa kınologıamen aınalysatyn adamdy jalǵyz kináli etip kórsetpekshi. Al shyn máninde ol ıtterdi aýla ishinde, óz aýmaǵynda ustaǵan. Jurt ıtterdi joıýdy talap etip otyr.
Taǵy oqyńyz: «Bala ıtterdi ózi yzalandyrdy»: Almaty oblysynda balaǵa shabýyl jasaǵan ıtterdiń ıesi óz nusqasyn aıtty
Oıanyńyzdar! Máselege basqa qyrynan qarańyzdar, bul jeke aýmaq, volerler bar. Adam ol jerde 25 jyldan astam ýaqyt boıy reabılıtasıamen aınalysyp, 40-tan astam ıtti baqqan. Mundaı qaıǵyly jaǵdaı alǵash ret bolyp otyr. Ózi de shokta. Birden balany emdetýge kómek usyndy, biraq soǵan qaramastan onyń qorshaýyn syndyryp, ıtterin óltirgen. Eń qyzyǵy, kóshede pyshaqpen júrgen beıtanys adam boldy, – dep jazdy avtor.
Eske salaıyq, oqıǵa kýágerleriniń aıtýynsha, Jalpaqsaı aýylynda ıtter jeke aýmaqtan shyǵyp ketip, 10 jasar balaǵa shabýyl jasaǵan edi.
