15 maýsym kúni Úndistanda tikushaq apatqa ushyrady. Saldarynan jeti adam qaza tapqan, dep habarlaıdy bairaqmedia.kz

Qaıtys bolǵandar arasynda pılot ta bar. Resmı derek boıynsha, tikushaq bortynda bes eresek adam, bir náreste jáne bir ekıpaj múshesi bolǵan. Ol Gýptkashı qalasynan tańǵy 5:10-da ushyp shyǵyp, 5:18-de Kedarnath hramynyń tikushaq alańyna qonǵan. Bir mınýttan soń qaıtadan áýege kóterilip, 5:19-da Gýptkashı qalasyna bettegen. Tikushaq joldaǵy Gaýrıkýnd mańynda apatqa ushyraǵan.

Apattan keıin jergilikti bılik pen qutqarýshylar oqıǵa ornyna dereý jetip, jaǵdaıdy baqylaýǵa alǵan. Qazirgi ýaqytta qutqarý operasıasy jalǵasyp jatyr. Apattyń sebepteri áli belgisiz.

Eske salaıyq, ótken aptada Úndistanda áýege endi kóterilgen jolaýshyǵa toly ushaq apatqa ushyraǵan bolatyn. Apat saldarynan qaza tapqandar sany 279 adamǵa jetti. Alǵashqyda reıske otyrǵan barlyq jolaýshynyń qaza tapqany aıtylǵan. Artynan, bir adamnyń tiri qalǵany belgili boldy.