Ulttyq bank valúta naryǵy týraly habarlama jarıalady, dep habarlaıdy bairaqmedia.kz.

Ulttyq bank málimetinshe, qazannan bastap teńgeniń dollarǵa shaqqandaǵy baǵamy 499-500 teńge deńgeıine deıin (9%-ǵa) turaqty nyǵaıǵany baıqalyp otyr.

"Munaıdyń álemdik baǵasy barreline 60 AQSH dollarynan joǵary deńgeıde turaqty saqtalyp tur. Sonymen qatar, AQSH Federaldy rezerv júıesiniń mólsherlemeni tómendetý sıkli jahandyq dollar ındeksiniń 8,3%-ǵa álsireýine jáne jyl basynan beri damýshy naryqtardaǵy valútalar ındeksiniń 8,3%-ǵa nyǵaıýyna yqpal etti", - dep jazylǵan habarlamada.

Úkimet, Ulttyq bank jáne egenttik 2026–2028 jyldarǵa arnalǵan makroekonomıkany turaqtandyrý jáne halyqtyń ál-aýqatyn arttyrý jónindegi birlesken is-qımyl baǵdarlamasyn iske asyryp otyr.

"Bul baǵdarlama suranys pen usynys arasyndaǵy teńgerimsizdikti joıýǵa, búdjet shyǵyny tıimdiligin arttyrýǵa, mıkro jáne makroprýdensıaldy retteý sharalaryn iske asyrýǵa, halyqtyń naqty tabysyn ósirýge, ınflásıany tómendetý men turaqtandyrý arqyly ornyqty ekonomıkalyq ósimge jaǵdaı jasaýǵa baǵyttalǵan", - dep jazylǵan habarlamada.

Ulttyq bank erkin ózgermeli aıyrbas baǵamy rejımin saqtaıtyny aıtyldy.

"Valúta naryǵyndaǵy jaǵdaı turaqty baqylaýda. Qazir Ulttyq bank alypsatarlyqqa qatysty belsendilikti jáne oǵan aralasýǵa ıtermeleıtin qandaı da bir faktorlardy baıqap otyrǵan joq", - dep jazylǵan habarlamada.