«Qazgıdromet» málimetinshe, 5 jeltoqsanda elimizdiń 16 óńiri men Astanada qolaısyz aýa raıy boljanady. Joldarda kóktaıǵaq, tómeńgi joldy boran jáne qar jaýady, keı jerlerde jaýyn-shashyn kúsheıedi. Soltústik, shyǵys jáne batys óńirlerde jeldiń ekpini sekýndyna 15-20 metrge deıin jetpek, dep habarlaıdy bairaqmedia.kz.

Jetisý, Túrkistan jáne Jambyl oblystarynyń taýly aımaqtarynda tuman kútiledi. Alakól mańynda da jel ekpini 15-20 m/s shamasynda bolady. Qaraǵandy, Aqmola, Qyzylorda, Qostanaı, Aqtóbe jáne ózge de oblystarda kóktaıǵaq pen tuman bolýy múmkin. Astanada da kóktaıǵaq kútilse, Oral men Shymkentte tuman túsedi.

Shyǵys Qazaqstan, Pavlodar jáne Abaı oblystarynda qar, kóktaıǵaq jáne boran boljanady. Keı aýmaqtarda qar mol túsedi.

Meteorologtar turǵyndar men júrgizýshilerge qaýipsizdik sharalaryn saqtaýǵa, ásirese jolda jáne taýly jerlerde abaı bolýǵa keńes beredi. Aýa raıyna qatysty jańartylǵan aqparatty qadaǵalap otyrý usynylady.