Bıyl Ulytaýda jalpy somasy 138 mlrd teńgeni quraıtyn 17 ınvestısıalyq joba bastaý aldy. Bul jaıly Astanadaǵy Ortalyq Komýnıkasıalar qyzmetinde óńirdiń áleýmettik-ekonomıkalyq damýy týraly esep bergen Ulytaý oblysynyń ákimi Dastan Ryspekov, málimdedi dep habarlaıdy bairaqmedia.kz

Onyń ishinde qazirgi tańda munaı bazasynyń, jel elektr stansıasynyń jáne respırator shyǵarý zaýytynyń qurylysy aıaqtaldy. 2028 jylǵa deıin jalpy quny 920 mlrd teńgeni quraıtyn 25 ınvestısıalyq joba iske qosylyp, 2 myńnan astam jańa jumys ornyn ashý kózdelip otyr.

Ekonomıkany ártaraptandyrýdy jedeldetý maqsatynda Sátbaev qalasynda ındýstrıalyq aımaq quryldy. Atalǵan aımaq aıasynda jalpy quny 5 mlrd teńgeni quraıtyn 3 joba pysyqtalýda, nátıjesinde 100 jumys orny qurylmaq. Aǵymdaǵy jyly ınfraqurylym tartylý jumystary bastalyp, kelesi jyly aıaqtalatyn bolady.

Josparlanǵan jobalardyń iske asyrylýy shaǵyn jáne orta óndirister beldeýin qalyptastyryp, jańa jumys oryndaryn ashýǵa, saýda-kólik baılanysyn kúsheıtýge jáne qalanyń bir baǵyttaǵy damýynan arylyp, ekonomıkasyn ártaraptandyrýdy jedeldetýge múmkindik beredi.

Sondaı-aq óńirde demeýshilik qarajat esebinen túrli áleýmettik jáne ınfraqurylymdyq jobalar júzege asyrylýda. Olardy qolǵa alýǵa «Qazaqmys» korporasıasy, «Kazsınk» ónerkásibi, «Qarmet» AQ syndy iri ónerkásip kompanıalary jáne «Qazaqstan halqyna» jáne «Bolat Ótemuratov» qory qoldaý bildirip otyr. Olardyń jalpy quny - 50,3 mlrd teńgeni quraıdy.