«Jezqazǵan-Qyzylorda» avtojolyn rekonstrýksıalaý aıasynda qurylys jumystary bıyl kóktemde bastalyp, qazirgi tańda tórtten bir bóligine asfált jabyndysy tóseldi. Bul jaıly Astanadaǵy Ortalyq Komýnıkasıalar qyzmetinde óńirdiń áleýmettik-ekonomıkalyq damýy týraly esep bergen Ulytaý oblysynyń ákimi Dastan Ryspekov, málimdedi dep habarlaıdy bairaqmedia.kz

Sonymen qatar óńirde «Qarajal–Atasý» avtojolynyń rekonstrýksıasy, «Ulytaý–Arqalyq»  avtojol aralyǵynda ortasha jóndeý jumystary atqarylýda. Oǵan qosa, oblystyq mańyzy bar «Sátbaev–Malshybaı–Joshyhan, Dombaýyl kesenesi» avtojolynyń qurylysy aıaqtalýda. 

Aǵymdaǵy jyly uzyndyǵy 316 shaqyrym quraıtyn Qyzyljar - Moıynty jańa temir jol jelisiniń qurylysy bastaldy. Bul bizdiń oblystan Jambyl oblysyna tikeleı qatynaýǵa múmkindik ashady. 

Jalpy oblys aýmaǵynda 29 avtobýstyq marshrýt uıymdastyrylǵan. Úkimet basshysynyń tapsyrmasyna sáıkes aǵymdaǵy jyly oblys boıynsha 4 temir jol vokzalynda (Jezqazǵan q, Qarajal q, Jańaarqa aýdany jáne Qyzyljar st.) qurylys montajdaý jumystary júrgizilýde.

Qazirgi tańda oblys ortalyǵynan Astana, Almaty, Shymkent, Qaraǵandy óńirlerine avıamarshrýttar bar. 2026 jyly Balqash jáne Túrkistan qalalaryna avıamarshrýt ashý josparlanǵan.