Álemdegi eń baı 500 adamnyń jıyntyq baılyǵy AQSH prezıdenti Donald Tramp jarıalaǵan kedendik tarıfterden keıin álemdik naryqtaǵy kúıreýge baılanysty 208 mıllıard dollarǵa qysqardy, dep habarlaıdy Bairaqmedia.kz.

Bloomberg Billionaires Index (BBI) derekterine súıensek, bul – ındekstiń 13 jyldyq tarıhyndaǵy bir kún ishinde tirkelgen tórtinshi iri quldyrayý jáne COVID-19 pandemıasynan bergi eń aýqymdysy. Tizimge engen mıllıarderlerdiń jartysynan kóbi baılyǵyn orta eseppen 3,3%-ǵa joǵaltqan.

Eń kóp shyǵynǵa ushyraǵandar — amerıkalyq mıllıarderler. Olardyń ishinde Meta kompanıasynyń basshysy Mark Sýkerberg pen Amazon negizin qalaýshysy Djeff Bezos erekshe atalady. Agenttik málimetinshe, Meksıkanyń eń baı adamy Karlos Slım sol baıandaýshylardyń arasynda teris áserden aman qalǵan sanaýly mıllıarderlerdiń biri boldy.

Eń iri shyǵyndy Mark Sýkerberg shekti — Meta aksıalarynyń 9%-ǵa tómendeýi onyń baılyǵyn 17,9 mıllıard dollarǵa azaıtty. Amazon aksıalarynyń dál osyndaı deńgeıde quldyraýy Djeff Bezostyń baılyǵyn 15,9 mıllıard dollarǵa qysqartty. Al Tesla basshysy Ilon Mask kompanıa aksıalarynyń 5,5%-ǵa arzandaýynan 11 mıllıard dollar joǵaltty.

Eske sala ketsek, AQSH prezıdenti Donald Tramp 2 sáýirde 185 el men aýmaqtan keletin taýarlarǵa kedendik tarıfter engizetinin málimdegen bolatyn. Ol ımporttyq taýarlarǵa mınımaldy 10% mólsherinde baj salyǵyn engizetinin aıtty. Keıbir elder úshin jeke tarıfter belgilengen. Sonyń ishinde Qazaqstan taýarlaryna baj salyǵyn 27%-ǵa ósirdi.

Bul rette elimizdiń Saýda jáne ıntegrasıa mınıstrligi jańa tarıfterge qatysty málimdeme jasady.