Aqtóbe oblysy Mártók aýdanynda 15 jastaǵy oqýshy qyz óz-ózine qol saldy. Marqumnyń denesin týystary aýladan tapqan dep habarlaıdy bairaqmedia.kz
Qaıǵyly oqıǵa seısenbi kúni kúndiz marqumnyń óz úıinde bolypty. Oqýshy osy oqıǵanyń aldynda sabaqqa baryp kelgen eken. Resmı málimetke súıensek, ólim aldynda ol eshqandaı hat jazyp qaldyrmaǵan.
2025 jylǵy 29 sáýirde Mártók aýdanynyń 9-synyp oqýshysy óz-ózine qol jumsap qaıtys boldy. Jasóspirim ata-ájesimen jáne anasymen turǵan. Bala ol kúni sabaqqa barǵan, minez-qulqynda oǵash áreket baıqalmaǵan, - dep málimdedi Aqtóbe oblystyq bilim basqarmasy.
Belgili bolǵandaı, oqýshy tolyqqandy otbasynda ósken. Ata-anasy, ata-ájesimen birge turǵan. Marqumnyń denesin atasy taýyp alǵan.
Oqýshynyń ólimine qatysty polıseıler qylmystyq is qozǵaǵan. Tergeý amaldary júrip jatyr.
