Taǵy 150-ge tarta qazaqstandyq Izraıl men Irannan evakýasıalandy, dep habarlaıdy bairaqmedia.kz

Syrtqy ister mınıstrligi úılestirilgen evakýasıalyq is-sharalar sheńberinde Izraılden 66 otandasty (Mysyr aýmaǵy arqyly), Irannan 78 azamatty (Armenıa arqyly – 73, Ázerbaıjan – 2, Túrikmenstan – 3) shyǵardy, - delingen SİM habarlamasynda.

Iran jáne Izraıldegi qazaqstandyq dıplomattar óz azamattaryna qajetti konsýldyq-quqyqtyq kómekti qamtamasyz etý boıynsha jumysty jalǵastyrýda.

QR SİM Izraıl, Mysyr jáne Armenıa bıligine óz rızashylyǵyn bildiredi, sondaı-aq qazaqstandyqtardy evakýasıalaýǵa qoldaý kórsetip júrgen ırandyq, ázerbaıjan jáne túrikmen áriptesterine qaıta alǵys aıtady. Birlesken kúsh-jigerdiń arqasynda azamattarymyz úılerine aman-esen oralýǵa múmkindik alýda.