Sybaılas jemqorlyqqa qarsy qyzmet sportty qarjylandyrýǵa qatysty memlekettik uıymdardy tekserýdi turaqty júrgizýde. Maqsat – búdjet qarjysynyń ashyq ári tıimdi jumsalýyn qamtamasyz etý.

2025 jyldyń basynan beri sport salasynda 18 qylmystyq is tirkelip, keltirilgen shyǵyn 800 mln teńgeden asty. Anyqtalǵan sqemalar:
– jalǵan oqý-jattyǵý jıyndary,
– «óli jandarǵa» jalaqy esepteý,
– qymbat jabdyqtardy asyra baǵamen satyp alý.

İri ister:

• Atyraýda oblystyq sport basqarmasynyń eks-basshysy D. Qospanov pen jattyqtyrýshy N. Maılashev para men aqsha jymqyrý isi boıynsha tıisinshe 4 jáne 3 jylǵa sottaldy.

• Qaraǵandyda fýtbol mektebi basshysy B. Nurlanov jalǵan jıyndar arqyly 3 mln teńgeden astam qarjyny jymqyrǵany úshin 2 jylǵa bas bostandyǵynan aıyryldy.

• «Sportty damytý dıreksıasy» dırektory men orynbasary 397 mln teńge jymqyrdy degen kúdikpen sotqa jiberildi.

• Almatyda sport basqarmasynyń burynǵy basshysy 8 mln teńge para aldy degen kúdikpen qamaýǵa alyndy.