Perızat Qaırat isi boıynsha kezekti sot otyrysynda kúdiktiniń anasy Ǵaını Alashbaevanyń jaǵdaıy kúrt nasharlaǵan, dep habarlady bairaqmedia.kz.
Advokat Aslanbek Daýletárovtyń aıtýynsha, aıyptalýshy dene qyzýynyń kóterilýi men sýyq tıý belgilerine shaǵymdanǵan.
Sýdıa Sabyrjan Karımov sot otyrysyna úzilis jarıalady.
Al Ǵaını Alashbaevaǵa jedel járdem shaqyryldy. Sot otyrysynyń translásıasy toqtatyldy.
Eske sala keteıik, atalǵan qylmystyq iske baılanysty kúdiktiler retinde Perızat Qaırat pen onyń anasy Gaını Alashbaeva anyqtalǵan. 2025 jyldyń 4 sáýirinde Ǵaını Alashbaevaǵa qatysty úı qamaq túrindegi bultartpaý sharasy qoldanylǵan.
Tergeý materıaldaryna súıensek, Perızat Qaırat 2021 jyldan 2024 jylǵa deıin ártúrli qaıyrymdylyq bastamalary aıasynda 3,5 mıllıard teńgege jýyq qarajat jınap, ony jeke maqsattarda paıdalanyp kelgen. Bul qarajattar negizinen balalarǵa, tabıǵı apattardan zardap shekkenderge jáne Palestına halqyna gýmanıtarlyq kómek retinde jınalǵany aıtylǵan.
Alaıda, quqyq qorǵaý organdary bul qarajattardyń basym bóligi sándi kıim-keshek, zergerlik buıymdar, kólik pen jyljymaıtyn múlik satyp alýǵa jumsalǵanyn anyqtaǵan.
