Túrkistanda dinge qatysty saýaldarǵa jaýap berildi, dep habarlaıdy bairaqmedia.kz
Iaǵnı, «AMANAT» partıasynyń Túrkistan oblystyq fılıaly qoǵamdyq qabyldaý bólmesiniń jumys josparyna sáı̆kes, Túrkistan oblysy din isteri basqarmasynyń basshysy Rústem Sabyrjanuly azamattardyń aryz-ótinishteri boı̆ynsha onlaı̆n formatta qabyldaý ótkizdi.
Qabyldaý barysyn «AMANAT» partıasy Túrkistan oblystyq fılıaly atqarýshy hatshysynyń orynbasary Polat Tursynbaev júrgizip otyrdy.
Azamattar tarapynan joldanǵan suraqtardyń mazmuny san alýan boldy.
Atap aı̆tqanda, aqyly joqtaý aı̆týshylarǵa sharıǵattyń kózqarasy, qulpytas ornatýdyń ádebi men tyı̆ymdary, sondaı̆-aq, rýlas jandardyń otbasyn qurý máselesine qatysty ıslamda ne delinetini jóninde saýaldar qoı̆yldy. Budan bólek, juma namazynyń úkimi, máýlit merekesiniń mańyzy týraly da birqatar suraqtar kóterildi.
Basqarma basshysy árbir suraqqa jan-jaqty ári naqty jaýap berip, azamattardy mazalaǵan máseleler boı̆ynsha túsindirý jumystaryn júrgizdi. Sondaı̆-aq, qabyldaý barysynda basqarma tarapynan atqarylyp jatqan jumystar men aldaǵy josparlar jaı̆ynda da qysqasha aqparat berilip, ózekti baǵyttarǵa basymdyq berilip otyrǵany aı̆tyldy.
Azamattardy qabyldaý «AMANAT» partıasynyń «Halyq únine qulaq asatyn memleket» qaǵıdatyn iske asyrý jolyndaǵy naqty ári júı̆eli jumystarynyń biri. Mundaı̆ sharalar turǵyndar men memlekettik organdar arasynda ashyq dıalog ornatyp, halyqtyń ózekti máselelerin tıimdi sheshýge septigin tıgizedi.
