Qazaqstannyń eńbek sińirgen ártisi, aty álemge áıgili Maıra Muhammedqyzy sońǵy kúnderi densaýlyǵy syr berip júrgenin, onyń sebebin jumysynan kóretinin aıtty, dep habarlaıdy Bairaqmedia.kz. 

Jýyrda sport zaldan hamamǵa kirip oramaldy eńkeıip alǵanym sol-aq edi belim tyrs ete qaldy. Sodan bir apta ornymnan tura almaı jatyp qaldym. Salmaǵan ýkol ishpegen dári túspegen MRT qalmady. Sońynda bári keri áser berip isinip aýryp bolmaǵasyn bolnıchnyımen Lena dosymnyń aqylyn tyńdap óz ózimdi qolyma alýǵa týra keldi. Bárin tastap, Astanadaǵy úıime keldim. Tıbettiń shóp dárisin qabyldaı bastadym. Aıaǵymnan turdym. İsik bári qaıtty. Kóńil kúı jáılap ornyna kele bastady, – dep jazdy Maıra Muhammedqyzy.

Ataqty ánshi aýrýynyń sebebin kúndelikti kúıbiń tirlik, qaınaǵan atys-shabys jumystan kórip otyr.

Ómirde eń qıyn soraqy is eki betkeı satqyn adamdardyń ortasynda jumys isteý. Soǵys maıdanynda júrgendeı qaı kúni qaı jerden granata basyp keter ekem dep alańdaǵan ýaıym da joq emes. Qazir áýeli shaqyrǵan jerge de barmaıtyn boldym. Óıtkeni, qonaqqa bara qalsań, jurttyń qolynda telefon seni mergendep turady. «Báleniń bári – tilde» demekshi, óz basyma bále taýyp almaıynshy dep sasqalaqtap aıtqan tilegimdi ózim túsinbeı qalatyn boldym, – deıdi opera ánshisi.

Buǵan qosa ol keıingi kezde sóılesýge bolatyn adamnyń joqtyǵyn da aıtyp, muńyn bólisti.

Ia, óz deńgeıińdegi adammen sóılese bilý, dostasa bilý de – bir ǵanıbet! Ómir jolymda ne bir keremet tulǵalar boldy sáýlesin shashqan. Laýlap turýshy em. Ol kezde mende asqaq arman, minez, sulýlyq, senim, rýh, dýh bolatyn. Qazir joǵaltyp alǵan sekildimin…Óıtkeni mańymda ózim sekildi janyp turǵan qıalshyl, armanshyl, isker, ónerdi súıetin, qoldaıtyn adal jandar qalmaǵanda janyń da, tániń de aýyra bastaıdy eken, – dep túıindedi oıyn Maıra Muhammedqyzy.