Rýslan Berdenovti atqan jigittiń ákesi málimdeme jasady dep habarlaıdy bairaqmedia.kz

Ernar Jıembaıdyń ákesi Jıembaı Pralıev resmı málimdeme taratty.

Qurmetti qazaqstandyqtar, Shymkent qalasynyń turǵyndary, buqaralyq aqparat quraldarynyń ókilderi!
Bizdiń otbasymyzdyń atynan 21 sáýir kúni oryn alǵan qaıǵyly oqıǵaǵa baılanysty sizderge úndeý joldaýdy jón kórdim, - deıdi ol. 

Málimdemede ákesi ata-ana úshin bul jaǵdaı aýyr soqqy bolǵanyn jetkizgen. Osy oqıǵaǵa baılanysty shyn júrekten ókinish bildirdi. 

Qandaı jaǵdaı bolmasyn, birinshi kezekte Rýslan Berdenovtiń tezirek saýyǵyp ketýin tileımiz. Biz tergeý men sottyń barlyq jaǵdaıdy ádil, jan-jaqty qarastyratynyna senim artamyz. Barshańyzdy sabyrǵa shaqyryp, naqty sheshim shyqpaı turyp, asyǵys qorytyndy jasamaýdy suraımyz. Eń bastysy – bul jaǵdaıǵa esh qatysy joq kelinimizdi aralastyrmaýdy ótinemiz. Ol Rýslan Berdenovti buryn-sońdy kórmegen de, tanymaıdy da, - dedi kúdiktiniń ákesi.

Sondaı-aq, Ernar Jıembaıdyń ákesi osy qıyn kúnderi qoldaý bildirip jatqan jandarǵa alǵys bildirdi. 

Alda bizdi aýyr kezeń kútip tur, degenmen ádildik pen adamgershilik jeńedi dep úmittenemiz, - delingen málimlemede.