Ánshi Qaırat Nurtastyń jary, aktrısa Juldyz Ábdikárimova áleýmettik jelidegi heıterlerdiń jaǵymsyz pikirlerine jaýap berip, olardy sabyrǵa shaqyrdy, dep habarlaıdy bairaqmedia.kz.

Juldyz óziniń storısinde sońǵy ýaqytta alǵan hattarynyń keıbirin jarıa etti. Komentatorlar tarapynan tómendegideı pikirler aıtylǵan:

"Saǵyndyń ba, nazarsyz qaldyń ba?", "Fıgýrań, árıne, ádemi, biraq Juldyzdyń túri sharshańqy sıaqty. Ózin jaqsy jaǵynan kórsetkisi keletindeı, biraq ózin joǵaltyp alǵandaı", "Bul rezeńke ish, kórinip tur", "Nege aıaǵy aýyr kezinde osylaı sýretke túsesiń? Júkti ekenin dáleldegisi keletindeı. Qazir ish jasap alý qıyn emes, biraq túr-álpetti ózgertýge bolmaıdy, júkti ekenin bet-júzinen bilýge bolady", "Bala-shaǵasy bar áıelge 'bul jetinshi júktilik' dep jazýdyń qajeti ne?"

Juldyz mundaı pikirlerge naqty jaýap berip, ózi úshin qýanyp, izgi oımen qaraıtyn oqyrmandary ǵana paraqshasynda qalýyn qalaıtynyn aıtty:

"Kimde-kim qýanyshty jańalyqty qabyldaı almasa, paraqshamnan shyǵyp ketińiz. Meniń shyn oqyrmandarym ǵana qalsyn. Ózgeniń baqytyna shydaı almaıtyn adamdar, meniń jaqsy jańalyqtarymdy estigende odan saıyn qınalatyn bolasyzdar. Ázirge sanańyz barda, paraqshamnan ketip, ózińizge tynyshtyq jasańyz," – dep jazdy Juldyz.