Jambyl oblysynda eki naýqastyń óliminen keıin em-shara bólmeleri jappaı jabylyp jatyr, dep habarlaıdy bairaqmedia.kz

Mınıstrliktiń tekserisinen keıin júzge jýyq medısınalyq qyzmet kórsetetin bólimsheler óz jumysyn toqtatqan. Mınıstrlik mamandarynyń málimetinshe aımaqtaǵy 140-qa jýyq em-shara kabınetteriniń basym bóligi lısenzıasyz qyzmet kórsetken. Keıbiri, tipti, merzimi ótken preparattardy naýqastarǵa egip kelgen. 

Soraqysy sol, 38 em-shara bólmesinde  ruqsat qaǵazy bar dáriger bolmaǵan. Osylaısha óz betinshe em júrgizip, naýqastardyń obalyna qalǵan ortalyqtarǵa jalpy sommasy 10 mıllıon teńgeden astam aıyppul salynǵan. Al, óreskel qatelikke jol berip,  adam ólimi tirkelgen ortalyqqa qatysty sot prosesi bastaldy.

Prosedýra kabınetinde dárigersiz medsestralarǵa jumys isteýge bolmaıdy zań boıynsha. Bizdiń teksergen nysandarda dárigersiz jumys istegen 133 tiń 93-i óz erkimen jabyldy. Onyń Z8 de dovrachebnyı kabınetke lısenzıa bolsa qalǵanynda ruqsat qaǵazy bolmaǵan, - dedi QR DSM Medısınalyq jáne farmasevtıkalyq baqylaý komıtetiniń Jambyl oblysy boıynsha departament basshysy Aıgúl Balǵabaeva.