"Ashyq normatıvtik quqyqtyq aktiler" portalynda 16 jasqa tolmaǵan jeli qoldanýshylaryn onlaın platformalarda tirkeýge tyıym salatyn zań jobasy jarıalandy, dep habarlaıdy bairaqmedia.kz.

4 jeltoqsanda "Ashyq NQA" portalynda "Qazaqstan Respýblıkasynyń keıbir zańnamalyq aktilerine onlaın-platformalar jáne mass-medıa máseleleri boıynsha ózgerister men tolyqtyrýlar engizý týraly" zań jobasy jarıalandy.

Onda "Balalardy densaýlyǵy men damýyna zıan keltiretin aqparattan qorǵaýdyń erekshelikteri" týraly 10-1-bap keltirilgen. Norma 16 jasqa tolmaǵan jeli qoldanýshylaryna jedel habar almasý qyzmetterine tirkelýdi esepke almaǵanda, onlaın platformalarda tirkelýge tyıym salady.

Túsindirme jazbada kórsetilgendeı, zań jobasynyń maqsaty – onlaın-platformalardaǵy zańsyz kontent kólemin azaıtý úshin qajetti zańnamalyq bazany qurý jáne onlaın platformalar men mass-medıany damytýǵa baılanysty zańnamany jańartý.

Zań jobasyn qoǵamdyq talqylaý 29 jeltoqsanǵa deıin jalǵasady.

Eske sala keteıik, osy aptanyń basynda Mádenıet jáne aqparat vıse-mınıstri Evgenıı Kochetov Qazaqstanda balalardyń áleýmettik jelini paıdalanýyna shekteý qoıý máselesi qazir kún tártibinde emes ekenin aıtqan bolatyn.

Qazaqstanda kámeletke tolmaǵandardyń áleýmettik jelige tirkelýine tyıym salý 2023 jyly talqylanǵan.