Perızat Qaırat pen anasy Ǵaını Alashbaevaǵa qatysty sot otyrysynda memlekettik aıyptaýshy Arman Kazeken 2023 jylǵy 16 tamyzda jazylǵan Ǵaını Alashbaevanyń telefonynan tabylǵan jeke jazbalardy jarıa etti, dep habarlaıdy Bairaqmedia.kz.

Prokýrordyń sózinshe, bul jazbalar qylmystyq jolmen alynǵan qarajattyń naqty qaıda jumsalǵanyn kórsetedi.

Telefondaǵy jazbalardan úzindi:

37 mln teńge – kólik satyp alýǵa
5 mln teńge – tis emdeýge
10 mln teńge – Túrkıada emdelip qaıtýǵa
3 mln teńge – BAD (bıologıalyq belsendi qospalar) alýǵa
10 mln teńge – qydyrýǵa
3 mln teńge – fenshýı qyzmetine
1 mln teńge – baszy kýrsyna
2 mln teńge – oflaın is-sharalarǵa qatysý men serýendeýge
3 mln teńge – kıim satyp alýǵa
3 mln teńge – aq altynnan jasalǵan gaýhar bilezikke

Sonymen qatar, aıyptalýshy Perızat Qaırat óz tabysynyń zańdy kózin dáleldeı almaǵany aıtyldy. Prokýrordyń málimdeýinshe, sotqa Qaırattyń ıeligindegi ózge de aktıvter men qarjylaı shyǵyndardyń zańdylyǵyn rastaıtyn naqty qujattar usynylmaǵan.