Marqum Sherzat Polattyń ákesi Qarjaýbaı Nurymov marqum Saltanat Núkenovanyń aǵasy Aıtbek (Aıtym) Amangeldimen baılanysyn ne sebepti úzgenin túsindirdi, dep jazady bairaqmedia.kz.

«Aıtym bul iske eshqandaı syrt adamdardy, advokattardy qostyrmady. Tek óziniń komandasymen júrdi. Meıirman aǵa (advokaty - Meıirman Shekeev) bar, Kamısha hanym, týys advokat aǵaıynymyz bar, bárine "joq" dedi. Men Aıtymmen ǵana baılanysty úzdim, advokattardan zańdy túrde bas tartqan joqpyn, olar ózderi bas tartyp, is sonymen toqtady. Al Aıtbek Amangeldiniń kómeginen ne sebepti bas tartqanyna toqtalsam, marqum baýyrym Nurqanat qaıtys bolǵan kez. Bir qaıǵydan ekinshi qaıǵyǵa ushyrap jattyq. Eń birinshi qarsy bolǵanymyz, búkil halyqqa "Nurqanatty asylyp ólip qaldy" dedi. Týystar arasynda ol tergeýshi de, zańger de emes, halyqqa nelikten olaı aıtty degen oıdan bastaldy bári. Halyqty dúrliktirmes úshin solaı aıtý kerek bolǵan shyǵar dep týystarymdy ózim toqtattym», - deıdi ol.

Taǵy oqyńyz: Talǵar tragedıasynan sabaq aldyq pa - sarapshymen suhbat

Qarjaýbaı Nurymov Aıtymǵa balasyna qatysty isti tek ózimen ǵana aqyldasýyn, eshqandaı týysymen baılanyspaýyn suraǵanyn, biraq aıtylǵan sóz oryndalmaǵanyn jetkizdi.

«Ózi qalaı aqtalsyn, meni jamandasyn, oǵan eshqandaı renishim joq. Halyq ózi baǵasyn beredi. Onyń syrtynan ǵaıbat aıtqym kelmeıdi», - dep Aıtbek Amangeldige qatysty oıyn aıaqtady.