Móldir Muqanovanyń týǵan ápkesi áleýmettik jelide jazba jarıalap, sińlisine qoldaý bildirip, qoǵamda taraǵan túrli pikirlerge jaýap berdi, dep habarlaıdy bairaqmedia.kz.
Onyń aıtýynsha, Móldirdiń minezi men tektiligi – ata-anasynan alǵan tárbıeniń aıǵaǵy.
"Qazir áleýmettik jelini ashyp qalsań barlyǵy aqyldy bolyp Tursynbek pen Móldirdi jazyp jatyr, kóbisiniń Móldirdi qoldap jatqanyn kórip jatyrmyz. Bul jerde men Móldirdiń áke-sheshemizdiń qanymen, tárbıesimen kelgen tektiligin aıtqym kelip tur. Qansha opasyzdyq jasasa da Tursynbekti myrza dep syılap sóılep, kóńildesi týraly bir aýyz jaman sóz aıtpady. Áıtpese, týǵana apasy retinde, jaqyn janashyry retinde biz de kóp nárseni bilemiz, aıtylý kerek bolǵan nebir sumpaıy tirlikterdiń Tursynbektiń abyroıy dep aıtylmaı qalǵanyn kórdik. Móldir joǵaryda turdy, olardyń deńgeıine túspedi. 14 jyl barlyǵyna shydady, sebebi bizdiń áýlette otbasy qundylyqtary birinshi orynda turdy. Podkastta aıtylǵandaı áke-sheshemiz bir-birimen daýys kóterip uryspaǵanyn, tipti bizdiń baıqamaı istegen buzaqylymyzǵa baıyppen qarap, aqylmen, baıyppen keńes bergenin kórip óstik. Tipti bizdiń úıde ákemniń sheshesi, anamyzdyń ákesi bir mezgilde esh kıkiljińsiz ómir súrdi. Qazir eki jaqtyń qartaıǵan ata-anasyn emes, tipti týǵan baýyryn syıǵyzbaı úıinen qýyp shyqqan jandardy kórip júrmiz. Onyń barlyǵy áke-sheshemizdiń tektiligi, Móldir sony boıyna sińirip ósti jáne sol sebepti otbasyn sońyna deıin saqtaǵysy keldi", - dedi ol.
Ápkesiniń aıtýynsha, Móldirdiń suhbatynda aıtylǵandar – tek shyndyqtyń bir bóligi ǵana.
"Móldir eshkimniń aıaǵanyna, músirkegenine muqtaj emes, sebebi bizdi ómir erte eseıtken, nebir synaqtardan ótkizgen. Berilgen ıntervú – onyń jan dúnıesin bárine ashyp berdi. Móldirdiń jany naǵyz móldir ekenin bári kórdi. Ózi aıtqandaı ıntervúda kóptegen nárselerdiń sheti ǵana aıtyldy, endi osymen shýlata bermeı Móldirge qoldaý kórsetip, durys sheshim shyǵaryp, ózimizdi jáne óz balalarymyzdy damytaıyq, durys tárbıe bereıik, ultymyzdyń bolashaǵyn oılaıyq. Móldir jalǵyz emes - janynda janyn berer bes baýyry, aıalaıtyn aǵaıyndary, shyn janashyr dostary bar. Sondyqtan da bári biz oılaǵannan da keremet bolatynyna senimdimin", - dedi ol.
