İlıas Jansúgirov atyndaǵy Jetisý ýnıversıtetiniń Bas ǵımaratynda Qazaqstan halqy Assambleıasy janyndaǵy «Assambleıa jastary» respýblıkalyq qoǵamdyq birlestiginiń tóraǵasy Djýmýrbaev Tımýr Ǵabdululynyń qatysýymen «Stýdenttik Assambleıa» múshelerimen jáne belsendi jastarmen mańyzdy kezdesý ótti, - dep habarlaıdy bairaqmedia.kz

Kezdesý jastardyń azamattyq belsendiligin arttyrý, patrıottyq tárbıe men etnosaralyq kelisim qundylyqtaryn nasıhattaý, kóshbasshylyq qabiletter men qoǵamdyq jaýapkershilikti damytý máselelerine arnaldy.

Tımýr Ǵabdululy óz sózinde qazirgi jastardyń qoǵam ómirindegi sheshýshi rólin atap ótip, árbir jas azamattyń el damýyna qosar úlesiniń mańyzdylyǵyn erekshe atap ótti.

«Elimizdiń bolashaǵy tikeleı jastarymyzdyń bastamashyldyǵy men jaýapkershiligine baılanysty. Árbir jastyń myqty Qazaqstandy qurýdaǵy áleýetin sezinýi mańyzdy», — dedi «Assambleıa jastary» basshysy.

Dıalog barysynda birqatar ózekti baǵyttar boıynsha belsendi pikir almasý uıymdastyryldy:

• Jastar saıasatyn iske asyrý.
• Ultaralyq kelisim jáne toleranttylyq máseleleri.
• Jastar bastamalaryn qoldaý tetikteri.

İs-shara barysynda negizgi nazar praktıkalyq usynystarǵa aýdaryldy. Stýdentter men jastar uıymdarynyń ókilderi jańa ıdeıalaryn usynyp, Jetisý óńirinde júzege asyrýǵa bolatyn birlesken jobalar jóninde naqty usynystar bildirdi.

Bul kezdesý jastardyń el bolashaǵyna degen senimin nyǵaıtyp, jańa bastamalar men tyń ıdeıalarǵa jol ashqan tıimdi dıalog alańy boldy.