Parıj áýejaıynda Qazaqstan Prezıdentin Fransıanyń Syrtqy ister mınıstri Jan-Noel Barro qarsy aldy.
Memleket basshysyn áskerı orkestrdiń súıemeldeýimen Prezıdent Emmanúel Makron qarsy aldy. Qazaqstan men Fransıanyń memlekettik ánurandary shyrqaldy.
Prezıdentter respýblıkalyq gvardıa, áýe-ǵarysh, qurlyq jáne teńiz áskerlerinen jasaqtalǵan Qurmet qaraýylynyń aldynan júrip ótti. Budan keıin memleketter basshylary Qurmet qaraýylynyń saltanatty sherýin tamashalady.
Qasym-Jomart Toqaev pen Emmanúel Makron bir-birine resmı delegasıa múshelerin jáne qurmetti qonaqtardy tanystyrdy. Qasym-Jomart Toqaevty Elıseı saraıynyń ortalyq kireberisinen Prezıdent Emmanúel Makron kútip aldy.
Memleket basshysy Fransıa Prezıdentimen keńeıtilgen quramda kelissóz júrgizdi. Qasym-Jomart Toqaev Fransıa tarapynyń qazaq delegasıasyn ystyq yqylaspen qarsy alǵanyn atap ótip, Emmanúel Makronǵa alǵys aıtty.
