Mońǵolıa úkimetiniń basshysy Oıýn-Erdene Lývsannamsraın Parlamenttegi senim týraly daýys berý kezinde depýtattardyń jetkilikti qoldaýyna ıe bola almaǵannan keıin otstavkaǵa ketti, dep habarlaıdy bairaqmedia.kz. 

Premer-mınıstr Oıyn-Erdene Lývsannamsraıa qajetti 64 daýystyń ornyna 44 daýys jınaǵan.

Daýys berý premer-mınıstrdiń ulynyń ysyrapshyl shyǵyndary týraly habarlarǵa qarsy birneshe aptalyq narazylyq sherýlerinen keıin ótti, keıbireýler ony otstavkaǵa ketýge shaqyrdy.

Eger basqarý turaqsyz bolsa, ekonomıkalyq jaǵdaı nasharlaıdy jáne saıası partıalar konsensýsqa kele almaıdy. Bul halyqtyń parlamenttik basqarýǵa senimin joǵaltýyna jáne bizdiń demokratıalyq parlamenttik júıemizdiń kúıreý qaýpine ákelýi múmkin, – dep eskertti Oıyn-Erdene.

The Guardian.- basylymynyń málimetinshe, onyń otstavkasynan buryn, 14 mamyrda Ýlan-Batorda jastar uıymdastyrǵan jappaı narazylyq aksıalary bastaldy. Narazylar Súhbaatar alańyna jınalyp, premer-mınıstrdiń otstavkasyn jáne úkimettiń ashyqtyǵyn talap etti. Bul narazylyqtarǵa áleýmettik jelilerde premer-mınıstr ulynyń qalyńdyǵynyń brend sómkeleri, neke júzigi men Mercedes-Benz avtokóligin kórsetken vıdeosynyń jarıalanýy sebep bolǵan. Bul eldegi teńsizdik pen jemqorlyqqa alańdaǵan halyqtyń ashýyn týdyrdy.

Al Oıýýn-Erdenediń ózi áleýmettik jáne ishki saıası máselelerge jetkilikti nazar aýdarmaǵanyn moıyndady. Aldaǵy kúnderi premer Mońǵol Halyq partıasyna kirip,  jańa úkimet qurýǵa tyrysatyny týraly boljam bar.

Oıýýn-Erdene 2021 jyldyń qańtarynan bastap premer-mınıstr qyzmetin atqarǵan.