Qazaqstandyq tehnologıalyq kompanıasy otandastarymyz maqtan tutatyn jáne búkil álemdegi adamdar tamsanatyn áıgili qazaqstandyqtar týraly «Qazaqstanda jasalǵan!» jańa beınejobasyn bastaıdy. Alǵashqy keıipker – aralas jekpe-jekten chempıon Shavkat Rahmonov.
Shavkat ómirindegi barlyq jetistikke óz eńbegimen jetti. 16 jasynda otbasyna kómektesý úshin júk tıeýshi bolyp jumysqa ornalasqan. Ol kezde anasy tórt balamen Qaraǵandyda bir bólmeli shaǵyn páterde turatyn. Jas jigit sportshy bolýdy armandaıtyn jáne aýyr jumys aýysymynan keıin kúnde keshke jattyǵýǵa baratyn. Búginde Shavkat – eń tabysty qazaqstandyq aralas jekpe-jek sheberi jáne UFC -degi aty ańyzǵa aınalǵan adam.
Shavkat Rahmonov, aralas jekpe-jek chempıony:
«Men úshin Qazaqstannyń týyn kóterý úlken abyroı! Maǵan kúsh beretin – otbasym, halqym, otandastarymnyń qoldaýy. Árıne, sporttaǵy ár jeńisim – úlken eńbektiń nátıjesi. Kaspi-diń kóshbasshy bolýy da, sondaı orasan eńbektiń nátıjesi. Kaspi aldyna qoıǵan maqsatyna jetýge umtylady, adamdar úshin yńǵaıly servıster jasaıdy. Al men halqymnyń rýhyn kóterip, qazaqstandyqtardy óz jeńisimmen qýantyp kelemin. Bizdi biriktiretin ortaq maqsattar kóp!»
Mıhaıl Lomtadze, Kaspi.kz basshysy ári negizin qalaýshylardyń biri:
«Qazaqstan – erekshe tarıhy bar, talanttarǵa baı el. Belgili sportshylar, mýzykanttar, kompanıalar Qazaqstannyń dańqyn álemge tanytyp júr. Ár adam tabysqa jetý úshin kóp kúsh-jiger jumsap, aıanbaı eńbek etedi, synaqtardan súrinbeı ótip, alǵa umtylady. Olar naǵyz myqty tulǵalar, biraq olarǵa budan da bıik belesterdi baǵyndyrý úshin qoldaý, mahabbat, yntalandyrýshy kúsh qajet. Sondyqtan biz osyndaı batyrlar týraly kóbirek aıtýdy jón kórdik. Solardyń biri – Shavkat Rahmonov. «Bul bizdiń biregeı sportshymyz, ony bárimiz maqtan tutamyz jáne oǵan aldaǵy ýaqytta jeńis tuǵyrynan túspeýin tileımiz!»
Shavkat Rahmonov – álemge áıgili ataqty sportshy. Qazaqstanda osyndaı el maqtanyshyna aınalǵan tulǵalar kóp. Kaspi.kz óz jobasynyń kelesi shyǵarylymdarynda osyndaı qaharmandar týraly baıandaıtyn bolady.
Kaspi.kz týraly:
Kaspi.kz mısıasy – klıentteri men seriktesteriniń ómirin jaqsartatyn ınovasıalyq ónimder men servısterdi jasaý. Inovasıalarynyń ortalyǵynda – eldegi eń tanymal Kaspi.kz mobıldi sýperqosymshasy tur. Ony Qazaqstanda 15 mıllıonǵa jýyq adam paıdalanady. Qosymshada eldegi jetekshi elektrondyq saýda, tólem jáne qarjylyq qyzmetter shoǵyrlanǵan.
Kaspi.kz sýperqosymshasy arqyly qazaqstandyqtar tegin jetkizý qyzmetimen birge tıimdi onlaın saýda jasap, komısıasyz tólemder men aýdarymdar jasaıdy, jeke qarajatyn basqarady, ushaq pen poıyz bıletterin satyp alady, týrlar rásimdeıdi, eń tanymal memlekettik qyzmetterdi paıdalanady.
Kaspi.kz kásipkerlerge arnalǵan Kaspi Pay sýperqosymshasyn da ázirledi. Ony 700 myńǵa jýyq qazaqstandyq kásipker paıdalanady. Kaspi Pay arqyly olar bıznesti damytýǵa qarjy alady, tólem qabyldaıdy, jarnama kampanıalaryn iske qosady, salyq tóleıdi, elektrondyq komersıa jáne jetkizý platformasyna qosylyp, taýarlaryn búkil el aýmaǵynda satady.
Garvard bıznes mektebi Kaspi.kz týraly eki oqý materıalyn jazdy. Bul materıaldar boıynsha birneshe jyldan beri magıstratýra stýdentteri bilim alýda.
