Kaspi.kz İİM jáne SDIAÓM-men birlesip jańa servısti iske qosty. Endi Kaspi.kz mobıldi qosymshasy arqyly polısıaǵa aryzdanyp, jol-kólik oqıǵasy, jol qozǵalysy erejelerin buzý, turmystyq zorlyq-zombylyq jáne basqa da oqıǵalar týraly habarlaýǵa bolady, - dep habarlaıdy bairaqmedia.kz
Mıhaıl Lomtadze, Kaspi.kz basshysy jáne negizin qalaýshylardyń biri:
«Kaspi.kz sýperqosymshasyn 15 mıllıonnan astam qazaqstandyq paıdalanady. «Memlekettik qyzmetter» servısi arqyly bizdiń súıikti klıentterimiz kúndelikti kóptegen máselelerin sheshedi – júrgizýshi kýáligin aýystyrý, kólikti qaıta rásimdeý, sıfrlyq qujattardy qoldaný, turǵylyqty jeri boıynsha tirkelý, bala týý týraly kýálik alý jáne t.b. Azamattardyń qaýipsizdigin arttyrý úshin memlekettik organdarmen birlesip, Kaspi.kz qosymshasy arqyly polısıaǵa jedel júginý múmkindigin iske qostyq. Joba İİM, SDIAÓM jáne Kaspi.kz komandalarynyń úılesimdi jumysynyń nátıjesinde júzege asty. Memlekettik qyzmetterdi damytý – bul bizdiń áleýmettik jaýapkershiligimiz jáne komersıalyq emes bastamamyz. Birlesken kúsh-jigerimizdiń arqasynda biz kóptegen elderdegi qyzmetterden tıimdi ári yńǵaıly onlaın servıster jasap jatyrmyz, bul qazaqstandyqtar úshin maqtanysh. Bizge senim artqany jáne memlekettik qyzmetterdi qazaqstandyqtarǵa qoljetimdi etý múmkindigi úshin memlekettik organdarǵa alǵys aıtamyz!»
Sáken Sársenov, QR İshki ister mınıstriniń orynbasary:
«Zań jáne tártip» qaǵıdatyn júzege asyrý aıasynda biz Egov Mobile qosymshasynda azamattarǵa polısıaǵa tikeleı júginýge múmkindik beretin jańa sıfrlyq servısti iske qostyq. Sonymen qatar, ekinshi deńgeıli bankterdiń qosymshalaryna yqpaldastyrý tetigi de pysyqtaldy. Bul adamdarǵa polısıa bólimine barmaı-aq, úırenshikti ári yńǵaıly servıster arqyly júginýge jol ashady. Jeke atap ótkim keletini, bul Kaspi-men alǵashqy joba emes – biz polısıa qyzmetterin halyq úshin qoljetimdi ári qaýipsiz etý baǵytynda yntymaqtastyǵymyzdy birtindep keńeıtip kelemiz».
SDIAÓM vıse-mınıstri Rostıslav Konáshkın:
«Bul servısti Kaspi.kz sıaqty ekinshi deńgeıli bank qosymshasyna qosý – ony keńeıtý jolyndaǵy qısyndy qadam. Buǵan deıin biz İshki ister mınıstrligindegi áriptesterimizben birge Egov Mobile qosymshasynda servısti iske qostyq, onyń aýdıtorıasy – 11 mıllıon paıdalanýshy. İske qosylǵan sátten bastap 100 myńnan astam otandasymyz bul qyzmetti paıdalandy. Biz adamnyń eń basty qajettiligi – qaýipsizdikke baǵyttalǵan áleýmettik mańyzy bar servısterdi damytýdyń oń úrdisin baıqap otyrmyz. Sıfrlyq ónimder Qazaqstan azamattaryna qyzmet etip, ómir sapasyn jaqsartýy tıis. Bul – bizdiń mısıamyz jáne jobalarymyzdyń basym bóligi osyǵan baǵyttalǵan».
Kaspi.kz qosymshasynyń kómegimen polısıaǵa qalaı ótinim berýge bolatyny týraly Gıd qyzmetinen oqyńyz.
Kaspi.kz týraly
Kaspi.kz mısıasy – súıikti klıentteri men seriktesteriniń ómirin jaqsartatyn ınovasıalyq ónimder men qyzmetterdi jasaý. Bul ınovasıanyń negizinde – eldegi eń tanymal mobıldi sýperqosymsha Kaspi.kz tur, ony 15 mıllıonǵa jýyq qazaqstandyq paıdalanady. Onda eldegi jetekshi elektrondy komersıa, tólem jáne qarjylyq qyzmetteri toptastyrylǵan.
Kaspi.kz sýperqosymshasynyń kómegimen qazaqstandyqtar tegin jetkizý arqyly tıimdi onlaın zat satyp alyp, komısıasyz tólemder men aýdarymdar jasaıdy, jeke qarjysyn basqarady, áýe jáne temirjol bıletterin satyp alady, týrlar rásimdeıdi jáne eń tanymal memlekettik qyzmetterdi paıdalanady.
