Burynǵy Ulttyq ekonomıka mınıstri, azamattyq nekedegi áıelin óltirdi dep aıyppen sottalǵan Qýandyq Bıshimbaevtyń týys inisi Baqytjan Baıjanov raqymshylyqqa ótinim berdi, dep jazady bairaqmedia.kz.

Bul aqparatty Joǵarǵy sottyń baspasóz qyzmeti rastady.

Stepnogor aýdandyq sotynyń málimetinshe, 2025 jylǵy 9 shildede Baqytjan Baıjanov raqymshylyq týraly zańǵa sáıkes jazanyń merzimin qysqartý jóninde ótinishpen júgingen. Atalǵan ótinishti qaraý kúni áli belgilengen joq, — delingen habarlamada.

Aıta ketsek, isti bolǵan Qýandyq Bıshimbaevtyń týys inisi Baqytjan Baıjanov bostandyqqa erte shyǵýy máselesi buǵan deıin de qozǵalǵan edi. 

Eske salaıyq, eks-sheneýnik Qýandyq Bıshimbaev azamattyq nekede bolǵan áıelin óltirgeni úshin 24 jylǵa sottaldy. Al, týys inisi Baqytjan Baıjanov 4 jylǵa bas bostandyǵynan aıyryldy.