13 maýsym kúni keshke Islam revolúsıasynyń Saqshylar korpýsy Izraılge qarsy "Shynaıy ýáde-3" dep atalatyn jaýap operasıasyn bastaldy. Bul týraly Kznews.kz aqparat agenttigi Rıa Novostı basylymyna silteme jasap habarlaıdy. 

Iran bıligi aoperasıany agressıvti áreketke jaýap retinde bastaǵanyn málimdedi.

"Agressıvti áreketterge jaýap retinde... Iran halqynyń qorǵanys kúshi retinde Allanyń qudiretine, Joǵarǵy Bas Qolbasshynyń (Alla ony qorǵasyn) dana basshylyǵyna jáne Irannyń asyl halqynyń biraýyzdan qoldaýyna súıenip, "Shynaıy ýáde-3" operasıasyn bastady", – delingen habarlamada.

Iran jaýap operasıasy kezinde Izraılge qaraı 300-ge jýyq balıstıkalyq zymyran ushyryp, onyń toǵyzy qulady. Iran zymyrandary Izraıl qorǵanys mınıstrliginiń ǵımaratyna eki ret tıdi.

Iran armıasy da Izraıldiń eki F-16 ushaǵy men birneshe ushqyshsyz ushaqtyń joıylǵanyn rastady. Tasnim agenttiginiń habarlaýynsha, ırandyq áskerıler qulaǵan Izraıl ushaǵynyń áıel ushqyshyn tutqyndaǵan. Axios málimetinshe, AQSH áskerı kúshteri Irannyń zymyrandyq shabýylyn toıtarýǵa atsalysyp jatyr.

Irannyń soqqysynan 40-qa jýyq adam zardap shekti, onyń ekeýi aýyr jaraqat aldy. Jelide Iran zymyranynyń Tel-Avıvtegi ǵımaratqa tikeleı tıgeni týraly vıdeo paıda boldy.