Qazaqstan halqy Assambleıasynyń sesıasynda Prezıdent Qasym-Jomart Toqaev til máselesin kótergen bolatyn. Memleket basshysynyń sózi áleýmettik jelide keńinen talqylandy. Osyǵan baılanysty memlekettik keńesshi Erlan Qarın óz pikirin bildirdi, dep habarlaıdy bairaqmedia.kz
Kesheden beri áleýmettik jelilerde memlekettik tildiń mártebesine qatysty ártúrli pikir aıtylyp, qyzý talqynyń taqyrybyna aınalǵanyn kórip otyrmyz. Oı bólisken, kózqarasty ashyq bildirgen durys. Biraq «bılik qazaq tiline qıanat jasady» deý – bos áńgime, daýryqpa sóz. Attanǵa salyp, aıǵaıǵa basyp, joq jerden shý shyǵaratyndaı eshteńe bolǵan joq. Memlekettiń tilge qatysty ustanymy sol qalpy. Qazaq tilin elimizdegi etnosaralyq qatynas tiline aınaldyrýǵa qatysty baǵytynan aınymaı, óz arnasymen turaqty túrde jalǵasa beredi. Assambleıa sesıasynda Prezıdent osyny taǵy da anyq aıtty. Jalpy, qazaq tiliniń bolashaǵyna qatysty pesımısik oıdan arylatyn ýaqyt jetti. Men muny buryn da aıtqanmyn, taǵy da qaıtalaǵym keledi. Kerisinshe, qazaq tiliniń qoǵamdaǵy róli jyl ótken saıyn artyp keledi. Eń bastysy, qazaq tili – jastardyń tiline aınaldy. Jas ǵalymdar, ónerpazdar, kásipkerler ana tilimizdi keńinen qoldanyp, óz baǵyttarynda barynsha damytyp jatyr. Demek «qazaq tiliniń bolashaǵy joq» dep aıtý eshqandaı qısynǵa kelmeıdi. Biraq bul jerde bir nárseni túsinýimiz kerek: memlekettik tildiń mártebesi «ur da jyq» ádispen óspeıdi. Qazaq tilin qalqan etip popýlısik áreketpen aınalysýǵa bolmaıdy. Naǵyz tilge janashyr adam bulaı jasamaıdy. Jáne qazirgideı almaǵaıyp zamanda mundaı áreketter eldegi jaǵdaıǵa zıanyn tıgizýi múmkin. Memlekettik tildiń mártebesin arttyrý naqty josparmen, júıeli jumyspen atqarylady. Sondyqtan týǵan tilimizdiń tamyryn tereńdetý isin aldaǵy ýaqytta da aqyl-parasatpen atqarýǵa tıispiz. Sóz sońynda myna dúnıeni aıtqym keledi. Búginde elimizde tek qazaq tiline qatysty ǵana emes, jalpy ulttyq biregeılikti, ulttyq bolmysymyzdy dáripteıtin aýqymdy bastamalar qolǵa alynyp, júzege asyrylýda. Ulttyq merekemiz Naýryz jańasha sıpat alyp, ózgeshe atalyp jatyr. «Ulttyq kıim kúnin» qoǵam óte jyly qabyldady. Bıyl alǵash ret ótken «Ulttyq kitap kúni» de halqymyzǵa paıdaly bastamanyń biri bolmaq. Osylaı bári birte-birte retke keledi, - dep jazdy Erlan Qarın.
