Eks-premermen toıda túsken sýretin jýrnalıs Bıgeldi Ǵabdýllın áleýmettik jelidegi paraqshasynda jarıalady dep habarlaıdy bairaqmedia.kz
Kópten kórinbeı ketken Serik Ahmetov Qaraǵandyǵa aqyn Serik Aqsuńqarulynyń 75 jas mereıtoıyna barǵan. Jýrnalıs osy sharadan estelik retinde birneshe sýret jarıalaǵan. Ári aqynnyń toıyna saıası elıta ókilderi jınalǵanyn jazypty.
Keshe Saryarqanyń júregi - Qaraǵandy qalasynda qazaqtyn talantty aqyny Serik Aqsunqardyń mereı toıy ótti. Bul toı tek osy óńirdiń toıy emes, búkil qazaq eliniń merekesi boldy deýge ábden bolady, – dep jazdy Bıgeldi Ǵabdýllın.
Aıta keteıik, Serik Ahmetov 2012 jyldan 2014 jylǵa deıin Premer-mınıstr qyzmetin atqardy. Odan keıin Qorǵanys mınıstrligin basqarǵan bolatyn. 2015 jyly oǵan asa iri kólemde para aldy, qyzmettik ókilettigin asyra paıdalandy, búdjet qarajatyn jymqyrdy jáne zańsyz kásipkerlikpen aınalysty degen aıyptar taǵyldy. 2017 jyly Ahmetov jazanyń bas bostandyǵyn shekteýge, ıaǵnı sharttyǵa aýystyrylýyna baılanysty túrmeden bosatyldy. Sodan beri eks-premer kópshilik aldynda kórinbeı ketken bolatyn.
