Qazaqstandyq týrıseri bar FlyDubai áýe kompanıasynyń ushaǵy Almatyǵa qondy. Sport jáne týrızm mınıstrligi eki ushaq búgin tańerteń elge kelgenin málimdedi, dep habarlaıdy bairaqmedia.kz

13 maýsymda Birikken Arab Ámirlikterinen, atap aıtqanda Dýbaı men Abý-Dabıden birneshe óńirge, onyń ishinde Qazaqstanǵa reıster toqtatylǵan bolatyn. Bul sheshim Taıaý Shyǵystaǵy jaǵdaıdyń ýshyǵýyna baılanysty qabyldandy.

Buǵan deıin Qazaqstan kólik mınıstrliginiń azamattyq avıasıa komıteti Iran, Izraıl, Sırıa, Irak, Iordanıa jáne Lıvan áýe keńistigine, sondaı-aq osy memlekettermen shektes aýmaqtar arqyly ushýǵa tyıym salǵan bolatyn. FlyDubai reısteri búgin saǵat 02:45 pen 06:23 aralyǵynda bul elderdiń áýe keńistigin aınalyp ótip, elge 13 maýsymda usha almaǵan 332 týrısi jáne josparly jolaýshylardy jetkizdi. 13 maýsymda Dýbaıdan usha almaǵan barlyq týrıser týroperatorlar arqyly týrızm jáne sport mınıstrligi, syrtqy ister mınıstrligi, Qazaqstan elshiligi jáne "Týrısik Qamqor" qorynyń úılestirýimen qonaqúılerge ornalastyryldy. Qazirgi ýaqytta olardyń ushý máselesi qarastyrylyp jatyr. Keıbir týrıser búgin túngi reıstermen elge oraldy, - delingen habarlamada.