Prezıdent Dáýren Qosanovty Qorǵanys mınıstri laýazymyna taǵaıyndady, dep habarlaıdy bairaqmedia.kz
Memleket basshysynyń Jarlyǵymen Dáýren Jumataıuly Qosanov Qazaqstan Respýblıkasynyń Qorǵanys mınıstri bolyp taǵaıyndaldy, ol burynǵy atqarǵan laýazymynan bosatyldy, delingen Aqordanyń habarlamasynda.
Buǵan deıin ol Qorǵanys mınıstriniń orynbasary - Qazaqstan Respýblıkasy Qarýly Kúshteri Áýe qorǵanysy kúshteriniń bas qolbasshysy qyzmetin atqarǵan.
Dáýren Qosanov 1969 jyly 14 qazanda Pavlodar oblysy, QazKSR, Krasnokýt aýdany, Novotroıskoe aýylynda dúnıege kelgen.
Buǵan deıin atqarǵan qyzmetteri:
Úsharal jaýyngerlik polkindegi qyzmet;
Taldyqorǵandaǵy "Sý-27" eskadrılıasynyń komandıri;
Qaraǵandy avıabazasy shtabynyń bastyǵy;
Shymkent avıabazasynyń komandıri;
Qazaqstan Respýblıkasy Qarýly Kúshteri Áýe qorǵanysy kúshteri Áskerı-áýe kúshteriniń qolbasshysy;
Aqtóbe qalasyndaǵy Áýe qorǵanysy kúshteri Áskerı ınstıtýtynyń dırektory;
2022 jylǵy 29 jeltoqsanda Qazaqstan Respýblıkasy Prezıdentiniń buıryǵymen Qazaqstan Respýblıkasy Qarýly Kúshteriniń Áýe qorǵanysy kúshteriniń Bas qolbasshysy laýazymyna taǵaıyndaldy
"Áskerı ushqysh mergen". II dárejeli "Dańq" ordenimen, "Jaýyngerlik erigi úshin" medalimen jáne mereıtoılyq medaldarmen marapattalǵan.
