ÝEFA Chempıondar lıgasynyń fınaldyq machy aıaqtaldy. Machta «PSJ» komandasy qarsylasyn 5:0 esebimen jeńiske jetti dep habarlaıdy bairaqmedia.kz

Fınalda «PSJ» men «Inter» komandalary kezdesti. Oıyn Múnhen qalasyndaǵy stadıonda ótti.

12-mınýtta qorǵaýshy Ashraf Hakımı Dezıre Dýeniń pasynan keıin esep ashty. 20-mınýtta Dýe esepti eki ese ulǵaıtty. 63-mınýtta Dezıre Dýe dúbl jasap, «PSJ» basymdyǵyn iri esepke jetkizdi. 73-mınýtta Hvıcha Kvarashelıa fransýz komandasynyń tórtinshi golyn soqty. 86-mınýtta jartylaı qorǵaýshy Sennı Maıýlý sońǵy nátıjeni bekitip, esepti 5:0-ge jetkizdi.

Sóıtip, «PSJ» alǵash ret Eýropanyń basty klýbtyq trofeıinde tarıhı jeńiske jetti.

Fınaldan keıin Parıjde fransýz jankúıerleri tártipsizdik uıymdastyrdy. BAQ aqparatyna súıensek, búlik negizinen qalanyń ortalyq bóliginde oryn alǵan.

Shamamen elýge jýyq adam avtobýstyń artqy terezesin syndyryp, kólikke zaqym keltirgen.

Budan bólek Elıseı alańynda bir avtokólikke ot qoıylǵan. Alaıda órt sóndirýshiler der kezinde kelip, jalyndy baqylaýǵa alǵan.

Sonymen qatar, birneshe adam aıaq kıim dúkenine basyp kirgeni habarlansa, Port-de-Sen-Klý aýdanynda eki avtokólik órtenip ketken. Polısıa tártipti qalpyna keltirý úshin kózden jas aǵyzatyn gaz qoldanýǵa májbúr bolǵan.

Sońǵy derek boıynsha, Parıjde jalpy sany 294 adam ustalǵan.