Irannyń zymyran shabýyly saldarynan Izraıldegi kólemi jaǵynan úshinshi aýrýhana - Beer-SHeva qalasyndaǵy «Soroka» aýrýhanasyna aıtarlyqtaı zaqym keldi, dep habarlaıdy bairaqmedia.kz.
Izraıl bıliginiń málimetinshe, aýrýhanada em alyp jatqan 71 adam jaraqat alǵan. Aýrýhanany aralap shyqqannan keıin Izraıldiń qorǵanys mınıstri eliniń Irannyń joǵarǵy kóshbasshysy Aıatolla Álı Hameneıdi zańdy nysana dep sanaıtynyn málimdedi. Alaıda Iran aýrýhananyń emes, onyń janynda ornalasqan áskerı nysannyń kózdelgenin alǵa tartýda.
Izraıl qorǵanys mınıstri Israel Kas Irannyń Joǵarǵy kóshbasshysy Aıatolla Álı Hameneıge tikeleı eskertý jasady.
«Bul adam (Hameneı) tiri qalmaýy tıis. Izraıl armıasy tıisti tapsyrma aldy. Biz Hameneıdiń kózin joıý arqyly maqsatqa jetýdi kózdeımiz», – dedi Kas.
AFP agenttiginiń habarlaýynsha, shabýyl hırýrgıa bólimine tıgen, ol jerden adamdar evakýasıalanǵan. Kýágerlerdiń aıtýynsha, shabýyldan keıin aýrýhana ústinen tútin kóterilgen. BBC tilshileri bul aýdanda úlken qıraý bolǵanyn, aýada uzaq ýaqyt boıy tútin irkilip turǵanyn habarlady.
Aýrýhana ákimshiliginiń málimdeýinshe, ǵımarattardyń biri órtenip ketken.
«Birneshe bólimshe tolyqtaı qırady, aýrýhanaǵa eleýli zalal keldi - búkil medısınalyq ortalyq boıynsha ǵımarattarǵa, qurylymdarǵa, terezeler men tóbelerge zaqym kelgen», - dedi aýrýhana dırektory Shlomı Kodısh jýrnalıserge.
Qazaqstan Irannan óz azamattaryn evakýasıalap jatyr
Taıaý Shyǵystaǵy qarqyndy shıelenisken jaǵdaıda Qazaqstan Respýblıkasy óz azamattaryn Iran Islam Respýblıkasynyń aýmaǵynan evakýasıalaýdy jedel uıymdastyrdy. Bul týraly Syrtqy ister mınıstrliginiń baspasóz qyzmeti habarlady.
Úılesimdi jumys pen vedomstvoaralyq ózara is-qımyldyń joǵary deńgeıiniń arqasynda Qazaqstannyń Syrtqy ister mınıstrligi, quzyretti memlekettik organdary men sheteldegi dıplomatıalyq ókildikteri 109 otandasymyzdy elge qaıtardy.
Evakýasıa óńirdiń dostas memleketteriniń aýmaqtary arqyly tranzıtpen júzege asyryldy, atap aıtqanda 89 adam Irannan Túrikmenstan arqyly jáne 20 adam Ázerbaıjan arqyly ótti. Barlyq azamattarǵa konsýldyq-quqyqtyq kómek kórsetildi jáne Otanǵa oralý úshin qajetti jaǵdaı jasaldy.
Syrtqy ister mınıstrligi Iran, Túrikmenstan jáne Ázerbaıjan bıligine qazaqstandyqtardyń búkil baǵyty boıynsha qaýipsiz jáne ýaqtyly ótýin qamtamasyz etýde mańyzdy ról atqarǵan kómek pen nátıjeli ózara is-qımyl kórsetkeni úshin rızashylyǵyn bildiredi.
Evakýasıalyq is-sharalardy daıyndaý jáne ótkizý barysynda qazaqstandyq dıplomattar táýlik boıy jergilikti bılikpen is-qımyldy úılestirip, marshrýttardyń logıstıkasyn qamtamasyz etti, sondaı-aq quzyretti organdarmen ózara is-qımyl jasady jáne otandastarymyzǵa qajetti qoldaý kórsetti. Qysqa merzimde 200-den astam azamatymyz habarlasyp, olarǵa kómek kórsetildi. Irandaǵy barlyq qazaqstandyqtarmen úzdiksiz baılanys ornatylyp, olardyń aldyn ala kelisilgen tranzıttik baǵyttary boıynsha júrip-turýy uıymdastyryldy.
