Air Astana ushaq fúzelájyndaǵy jaryqshaq týraly jarıalymǵa túsinkteme berdi, dep habarlaıdy Bairaqmedia.kz.

Qurylmanyń syndarly emes jerinde, atap aıtqanda júk bóliginiń qaptamasynyń jeńil paneli bekitilgen jerinde uzyndyǵy 25 mılımetr shamaly syzat tabylǵan. Bul usaq aqaý ushý qaýipsizdigine áser etpeıdi jáne ushaqty paıdalaný barysynda paıda bolýy múmkin, – delingen habarlamada.

Aqparatqa sáıkes, qazir aqaý joıylyp, ushaq qoldanysqa qaıtarylǵan.

Biz zańdy jaýapkershilikke tartpas úshin jalǵan aqparatty jarıalamaýǵa keńes beremiz, – dep qosty áýe kompanıasy ókilderi.

Aıta ketsek,  18 sáýirde prokýratýra júrgizgen tekseris nátıjesinde Air Astana áýe kompanıasyna tıesili ushaqtyń fúzelájynyń artqy júk bóliginiń mańynan eni shamamen 25 santımetr bolatyn jaryqshaq anyqtalǵan. Osyǵan baılanysty ushaqtyń paıdalanylýy ýaqytsha toqtatylǵan bolatyn.