Bas prokýratýra asa iri kólemde bótenniń múlkin ıemdengen kúdiktini Reseı Federasıasynan ekstradısıalady, dep habarlaıdy Bairaqmedia.kz.
Tergeý málimetinshe, 2015–2017 jyldary Astana qalasyndaǵy bankterdiń biriniń fılıalynda jetekshi menedjer qyzmetin atqarǵan áıel 31 mıllıon teńgeden astam qarajatty ıemdenip, talan-tarajǵa salǵan. Qylmys jasaǵannan keıin ol izin sýytyp, jasyrynyp ketken. Osyǵan baılanysty halyqaralyq izdeý jarıalanǵan bolatyn.
2024 jyldyń maýsymynda kúdikti Máskeýde ustalyp, Qazaqstan Bas prokýratýrasynyń suraýy boıynsha elge ekstradısıalandy. Qazir ol tergeý ızolátoryna qamaldy.
Atalǵan is QR Qylmystyq kodeksiniń 189-baby 4-bóligi («Senip tapsyrylǵan bóten múlikti ıemdenip alý nemese ysyrap etý») boıynsha tergelip jatyr. Bul bap boıynsha múlkin tárkileýmen qatar 7 jyldan 12 jylǵa deıin bas bostandyǵynan aıyrý jazasy kózdelgen.
