Rýhanı astana Túrkistan tórindegi qasıetti Qoja Ahmet Iasaýı kesenesinde Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń bastamasymen eldiń birligi men rýhanı qundylyqtaryn dáripteýge arnalǵan «Babalar rýhyna 100 hatym» atty taǵylymdy is-shara ótti, - dep habarlaıdy bairaqmedia.kz
Bul rýhanı jıynǵa Túrkistan oblysynyń ákimi Nuralhan Kósherov pen QR Mádenıet jáne aqparat mınıstrligine qarasty Din isteri komıteti tóraǵasynyń orynbasary Maqsat Ramanqulov, el aqsaqaldary, Túrkistannyń turǵyndary men qonaqtary qatysyp, rýhanı is-sharanyń mánin arttyra tústi.
Shara qonaqtardy ystyq iltıpatpen qarsy alýdan bastalyp, kıeli kesene aldynda qurbandyq shalý rásimimen jalǵasyn tapty.
Bas múftı jınalǵan jamaǵatqa júrekjardy sózin arnap, uly babalardyń amanatyn saqtaý men ulttyq rýhty jańǵyrtýdyń mańyzyna toqtaldy. Odan keıin zıarat jasap, Qoja Ahmet Iasaýı baba men Túrkistanda jerlengen tarıhı tulǵalardyń rýhyna baǵyshtap Quran oqydy.
Kesene mańynda Túrkistan oblysynyń naıb ımamy Súleımen qarı Mollatileýuly 100 hatym Qurandy oqyp, duǵa jasady. Shara sońynda Bas múftı Naýryzbaı qajy Taǵanuly bata berip, ıgi tilegin jetkizdi.
