Ánshi Aqbota-Nur burynǵy ata-enesimen aralasyp turatynyn aıtty, dep habarlaıdy bairaqmedia.kz.

Óner ıesi balalaryna qaraılasatyn ata-enesin maqtady. 

“Eki qulynyma júrekteri keń, urpaq qamyn oılaıtyn, mahabbat pen qamqorlyǵyn aıamaıtyn ardaqty ata-áje násip etti. Meniń burynǵy ata-enem balalaryma qaraıdy. Meniń jumysymnyń aqsap qalmaýyn túsinip, árdaıyp qoldaý bildiredi. Maǵan kóp múmkindik berdi. Jas kezimde damysyn, oqysyn kórsin dep otyrady. Aıaqqa turyp, ósýimdi tileıdi. Burynǵy kúıeýimniń áke-sheshesi óz ata-anama aınalyp ketken. Alǵystan basqa aıtarym joq. Amandyq bolsyn árdaıym”,  – dep jazdy ánshi. 

Sondaı-aq burynǵy joldasy Dáýren Aıdarqulovtyń úılengenine qatysty da pikir bildirdi. 

“Ol qýanyshty jańalyqqa árıne ortaqtasamyn. Sebebi ár adam óz tirshiligin retteýge, alǵa qaraı qadam jasaýǵa laıyq. Júregimde tek qana shúkirshilik sezimi bar. Ol kisige tek baqytty bolsyn dep aıtamyn”, – dep jazdy óner ıesi.