Muqaǵalı Maqataevtyń uly áleýmettik jelide ákesin «sorly erkek» dep ataǵan bloger Álisher Temenge keshirim berdi. Bul týraly is materıaldarynda jazylǵan, dep habarlaıdy bairaqmedia.kz

Tergeý barysynda jábirlenýshi Juldyz Maqataevtan sottalýshymen tatýlasýyna baılanysty Álisher Temendi qylmystyq jaýapkershilikten bosatý týraly ótinishhat túsken. Jábirlenýshi ótinishhatty óz erkimen usynyp otyrǵanyn, eshqandaı qysym kórsetilmegenin, sottalýshyǵa qoıatyn kinási joq ekenin aıtqan.

Al, bloger ótinishhatty qoldap, taǵylǵan aıyp boıynsha kinásin tolyq moıyndap, qylmystyq isti jábirlenýshimen tatýlasýyna baılanysty qysqartýdy suraǵan.

Biz ózara kelistik. Sondyqtan isti toqtatýyńyzdy suraımyn. Qazir kóligimde 2 mıllıon teńge bar. Taǵy 1 mıllıon teńgeni on kúnnen keıin beremin. Ázirge kóliktiń kiltin qaldyramyn. Qalǵan somany bergen soń kólikti qaıtyp alamyn, – dedi aıyptalýshy. 

Sýdıa úkim shyǵarýǵa ketkende Álisher Temenov Juldyz Maqataevtyń qolyna 2 mıllıon teńgeni ustatyp, kóliktiń kiltin tabystady. 

Sot taraptardyń pikirin eskerip, Temenniń qylmystyq áreketteri qylmystyq kodekstiń 131-baby 2-bóligi (qorlaý), ıaǵnı basqa adamnyń abyroıy men qadir-qasıetin buqaralyq aqparat quraldaryn paıdalanyp ádepsiz túrde kemsitý dep durys saralanǵan jáne tolyq dáleldengenin aıtqan.

Alaıda, oǵan qatysty qylmystyq is taraptardyń tatýlasýyna baılanysty qysqartylyp, bloger qylmystyq jaýaptylyqtan bosatyldy.

Eske salsaq, qylmystyq is boıynsha basty sot talqylaýy 2025 jyldyń 2 mamyrynda